منتديات نبع الفرات

تمت ارشفة منتديات نبع الفرات

المشاركات من الموضوع افكر بيك

  1. بواسطة شـ,ـهـ,ـد

    بيك افكر لحضه مااكدر اعيـــش
    جفني صعبه يغمض ويكدر ينام
    من غبت لليوم احس نهاري ليل
    والفجر غبش عليه بلا حمـــــام
    والموادع ينذكر بس لليمــــــوت
    بالجذب سويهه واذكرني بسلام
    من ازعلك ضلمه دنيايه تصــــير
    والنفس يخنكني وايامي ضلام
    وكلبي دكاته يصيرن جن جرس
    وروحي جن طالب يمل من الدوام
    ومن تزعلني اشوفك مستريــح
    حتى متعاتبني لحظه بأي كلام
    هوه هذا حبك الخابصني بـــي
    وعلى كل حجايه تتعمد خصـــام
    انته متحبني لتكذب كافي عـــاد
    لو تحبني شويه جا شفنه اهتمام
    والنعرفه العشك هم صعبه يعيش
    اذا ماكو بيني وبينك انسجــــام
    خلصت عمري اوافيلك واكـــــول
    باجر يحبني ويشوفني الغــــرام
    اجه باجر والشماته تكولي هــاااا
    وطلعت ايام العشك كلهه اوهام
    وين ماصدلك اشوفك بس ضباب
    شلون ماشوفك احس ماكو احترام
    عيب عالواحد يجي ملثم بليــــل
    هذا من روحه يخاف مو من ضلام
    ورغم كل الصار ضل كلبي كــــزاز
    وصبري بخصوصك وصل حد الهيام
    والشماته بسيرتك تكسرني ليش
    النعرفه الحصو هم يكسرله جـــام
    هاي قصتي وياك شوفهه وتعـــال
    وراح اخليك الك مســـك الختــــام
  2. بواسطة مرتجى العامري

    الله الله ام حر عشتِ
  3. بواسطة شـ,ـهـ,ـد

    اسعدني مروركم وافرحتني ردودكم
    شكرا لمروركم الجميل وتواصلكم الطيب احبتي