منتديات نبع الفرات

تمت ارشفة منتديات نبع الفرات

المشاركات من الموضوع مصباح الحزن

  1. بواسطة شـ,ـهـ,ـد

    أمس واني بحلاة النوم
    وبصفنت زمن بالليل متعذب
    ندهني صوت شاعرنا
    وعرفته صوت ابو الطيب
    سألني عن جديد الشعر هالايام
    والناس على ضيمها وشصارها شتكتب


    شتكتب والجديد البي فرح كذاب


    والكلك جديد بي اليفرحك يكذب


    امي من الصغر تنكل حطب للنار


    ويفور جدرها ومدري شتركب


    مصباح الحزن صبتلي بالماعون


    ومن ضكت الحزن شفت الحزن طيب


    تسأل ع السمار الغلف الوجنات


    دمك يحترك لو قلبك يعطب


    هاي هدومنه مالات عشر سنين


    مو سمران بس هنه علينا الوانهن تكلب


    مبعد ياقطار الفرح وين تريد


    اخذنه وياك بلجي بدوستك وياهم انجلب


    دنيه وغيرت من البشر اطباع


    وقلب الضيف ما يقراه المعزب


    لو مية سنه بعد الثلاث تيام


    محد يسألك طلبتك ياهالضيف


    الانمدهله وبلسانا نطلب