منتديات نبع الفرات

تمت ارشفة منتديات نبع الفرات

المشاركات من الموضوع رثاء الأم في العيد_قصيدة

  1. بواسطة المراسل

    ضميني ابحلم

    من يبرد الليل

    مثل شجرة

    تضم _ليل_العصافير

    يا امي

    وبعد كلمة (دللول

    يبني ..يلولد..)

    لولتلي ازغير

    تصاويرج نضمهن عن الزغار

    ونصفح اكلوبهم

    نلكى التصاوير..!

    صباح الخير وجهج

    جان كل يوم

    ومن انشال نعشج شال كل خير

    يمّة

    وصورتج مرسومة ع الباب

    حتة الباب ضل يدمع بسامير

    ومثل شيشة

    على كاع اتكسّرت ضيم

    عليج البيت

    كلبه اليوم مكسور

    يمة ابّيننة ولا عينج اتنام

    هسة اشلون نمتي ابين الكبور

    هاي اكلوبنا وجيمهن الضيم

    مثل ارماد

    صارن وسط تنور

    ردتج مبخرة ابعرسي تشعلين

    ماردت

    على كبرج نشعل ابخور !!!

    رحت اشتري الحنة لحنة ايديج

    مارحت اشتريلج يمة كافور!!

    هل عيدالضحية

    وعيدت الناس

    واحنة ابيتنا الليهسة عاشور

    و

    احنة

    ابّيتنا

    الليهسة

    عاشووور !!!!




























    اخوكم الشاعر خالدالسعد
  2. بواسطة Ali-Alwasiti

    قصيدة مؤثرة بحق الام شكرا للقصيدة