منتديات نبع الفرات

تمت ارشفة منتديات نبع الفرات

المشاركات من الموضوع سنتين قصيده عتاب (الشاعر فالح الحاج محمد )

  1. بواسطة المراسل

    سنتين مرن ونترجه اطروشكم مامن خبر
    سنتين مرن والغمض من شدة اصوابة ابجفن عينه انتحر
    سنتين مرن
    يا سفينة الحدرت بيكم ولا ملت سفر
    سنتين والشاطي الحزين اليبسن اهروشه الخضر
    والشمس عطشت من جزيره شوكم شوغه ظهر
    والليل نام اتوسد انجومه وتغطاله ابكمر
    ومتاني ورد الشوك
    ذبلان الربيع اخدودكم مزنت مطر
    سنتين مرن
    ونته بالسانك كلت ماظل شهر
    جاشجاك وغير المابيك طبعك غيرته
    جا شجاك اورخصرتنه بسوك مامسموع صيته
    جاشجاك وغيرك لجناب جفك طاوعيته
    بالعجل تهت بجرح سنتين ولفايت نسيته
    يا تعب جفي التعب بصفات غزلك ونته بيدك خلبصيته
    وسفه غشنك ملابسهم جديدة وزادهم طيب لكيته
    لو ولك غشنك احجايتهم ترفة وعكب حجي الحجيته
    لو ولك جاهل واكول ايصير ما يفطن حجيته
    جا نسيت احجايتك بموادعي
    موش الكلت ما بات بيته
    يافرخ زرافة طلعبك
    بس كبر ماعاود بعمره اعله بيته
    كله ومتانيك يا طير الكطه المطرود ونفر
    كله ومتانيك مثل الصايم العطشان لهلاله يتنطر
    جا ولك سنتين مرن ونته بالسانك كلت ماضل شهر