منتديات نبع الفرات

تمت ارشفة منتديات نبع الفرات

المشاركات من الموضوع يا اسم الجمال وكل معاني البيه

  1. بواسطة بهلول الرشيد

    للشاعر الشاب محمد العكيلي
    يا اسم الجمال وكل معاني البيه.......مااظلم حلو لوبيك وصفته
    ياخدك شهلده من الله مختوم .......... ياعطرك حديقة ورد سالفته
    انشك بيك نفسي وينكطع نفسي...... عن لابلزفير الكاك فاركته
    انته العين تنسد من تشوفك ليش ... تبوكك من رمشها تكول ماشفته
    وسبحانك يلاهي شكثر خالق بيه..... وعلى هيئة مجره بحسن صورته
    ست ايام هذا الكون من سويت ....... وست ايام هذا الخصر من درته
    لوحة مونوليزه بحاجبه تظيع ........ ملائكت السما متجمعه راسمته
    تحتار بوكاحه تكابل العين .......... وتكابل العين الثانيه بعفته
    سطرت علخده صور شعري اشكال.. لفيت ودرت وبخده صورته
    غركان علكيشه بحر شعره سنين.... وصار سنين ماي الشفه ماكشته
    ناحت بيك مرمر ركبتك هاي........ لما كملت ركبتك هيه ناحته
    بنيانك صعب ويهد المتون .......... ونامل من ذهب صدرك الجابنته
    عجيبه شمااوصفك اقتنع غلطان..... لك انته العجب وياك عجبته
    يااسم الجمال وكل معاني البيه ........ مااظلم حلو لوبيك وصفته
    خذت روحي بدون ايت استئذان..... ورد مجبور بيدك كلبي سلمته
    كودالله عكل ظل بيه موجود ........ عكل جاهل بحسنك كبلي سودنته
    كف جدام رجلك كلي وين تدوس....موعلكاع كلبي الكاه دايسته
    الموت وياك حك لاكوه نموت...... هوه الطلك بيك انقرت فاتحته
    الك نظرات موس تجرح الناس...... دون كلها بكلبي غارسته
    يلمدلل حسن يانبعت الطيب ....... ياسباح روحي من اعض شفته
    اذا بيه عكل يوزن بلد وياك......... مثل ماي لزللا العكل خففته
    يعد ميل الدقائق ثانيه وياك .........ويعد ميل الثواني وعده ماشفته
    اجيك بكل ظماي ولهفتي وياي...... وعطاب الكلب ماتلكه بس خفته
    عود اروي الشفايف من لمى البيك...الكه شفاف شفتك هيه راشفته
    ولسان الهج بس تقوى ويمان ....... على حروف الغزل موبيده علمته
    عدنه الوكح باك الكحله بلعين.......وانته يبوك عين وكحله وكحته
    اعاتب كلبي مره وكلت كلبي شبيك..مو انه اشوف الناس عاذرته
    علماتو طبيعي تون الكلوب ......... بس كلبي دكلي بياوجه ونته

    حلوه كلش
  2. بواسطة سيف العادلي

    حلؤؤؤؤ