منتديات نبع الفرات

تمت ارشفة منتديات نبع الفرات

المشاركات من الموضوع اثبت حضورك اليومي ببيت شعر يعبر عن احساسك ارجو التثبيت

  1. بواسطة المراسل

    السّلآم عليكم ورحمه الله وبركاته
    ..
    لفتح باب التواصل بين الأعضاء في منتدى عيون العراق
    حبيت طرح مثل هذا الموضوع
    وهو أن تسجل حضورك سواء كآن بالفصحى أو العاميه
    المهم أن إحساسكـ
    أتمنى من الجميع المشاآركه والتفاعل..
    ..
    راح أبدأ





    أعلم تماماً أنك من أيقُض بداخلي مشاعر
    كانت دفينة في أخاديد الغياب .. أثملْتني بـ سحرك الشرقي
    خدرت أنفاسي بنشْوة عطرك .. ملئتني فضت من أحشائي

    وخر قلْبي جاثياً أمام هواك ..!





    تحياتي لكـم..
  2. بواسطة محمد القطبي

    لاتحزن بعد وتبجي على الراح
    وعوف ادموع عينك لا تبديهة
    ووكف على الجرح لاتصرخ وياه
    وراح اكتب قصيدة والك اهديهة
    مدينة الم روحي لاتضن ترتاح
    وانه ابن المدينة وتيهت بيهة
    يل عندك جرح وتكلي مجروح
    انه جروحي فاضت وين اوديهة
  3. بواسطة محمد القطبي

    فـاهي اللـيل يمـهم حتـى مابي لـون
    ولا بـي طيـف يرهـم عالجـفن رسـمه
    ماصـخ مسـتحاهم واني مالـح طيــب
    اليتبده وي غيــري بـروحـي مالمـه
    بيها اعــناد روحــي وي الهـوى من يفوت
    اذا يثـكل علـّـي لو مــوت مــا شمه
  4. بواسطة محمد القطبي

    اليذكروني عفتهم لجل شوكي وياك
    واني اتذكّرك وانت الي ناسيني
    بايعني برخص واني بغلاة اشريك
    مو انت الكلت بالروح تشريني
    روح وداعت الله بس اكلك ها
    الي رب ٍ كريم الصبر ينطيني
  5. بواسطة محمد القطبي

    هاك اخذ جرحك بعد ما اشتهيك
    وكلمة انه اهواك ? تحجيها
    وبس اوخر عنك اسنينك تطيح
    اسنين عمرك ..عمري لمتجيها
    ابكاع خدينك انه العاكس ضواي
    ابمعنى اخر........ انه لمحليها
    ذكرياتك صارن ...الطف ويزيد
    حيل اكرهك من يمر طاريها
  6. بواسطة محمد القطبي

    أقبل رجعتك بس عندي كومه شروط
    أولهن تردلي سنين محسوبه
    وثانيهن شبابي الهدر بين أوراق
    وسهر ذيج الليالي المالهن حوبه
    وثالثهن دموعي الصبّن بفركاك
    على كل دمعه أفصلك فصل منهوبه
    ورابعهن تروح تسكّت الشّمات
    وتكَلهم حيل أحبّه وأبقه محبوبه
  7. بواسطة محمد القطبي

    مو كل اليحب ايعيش فرحان ..
    اكو واحد يحب بس هو يائس
    واكو لمن يحب ايصارع الموت ..
    ميهمه يصارع الف فارس
    ينشدونه اعله قيس وليلى كل يوم ..
    اشو محد ذكر بالعشك عابس
  8. بواسطة محمد القطبي

    تعال وياك اخذني وخـــــل نروح ابعيد
    ونعيش الفرحه كافي وخل نعوف الهم
    تعبنه الوكــــــــــت والقدر بينه يدوس
    مجروحين احنه والجرح يلجـــــــــــ م
    محد بينه داري وعذبانـــــــه الحــآل
    والك هذا الحجي يل وحــــدك التفهم
    كل شي يخـون بينه لكن انه ويـــــآك
    ابد منخون حبنه وربك اليعلــــــــــ ـــم
  9. بواسطة محمد القطبي

    تعال ولا تظني عليك زعلان
    جا هو الكلب من نبضه يزعل
    صدكني ابد ما همني الصار
    ولا زهرة محبتك عندي تذبل
    مو انه دفنتك حدر العيون
    اشوفن بيك ساعه وبيك اندل
    عذبني هواك ومرمر الروح
    واكولن ما يهم هو يتدلل
  10. بواسطة محمد القطبي

    يدك براس حبك يزغيرون
    واحن لحرورتك حنين النوك
    حقي ارتبك ووكوع من اﻻكيك
    رمش عينك يفهي العدهن الطلوك
    الشمس شتعودلك شويجوي ملكاك
    دفؤ زنودك على المستبرد يلوك
    حايط بابكم معذور اذا طاح
    الله يساعده بكل لحظه مدكوك