منتديات نبع الفرات

تمت ارشفة منتديات نبع الفرات

المشاركات من الموضوع عيزاني (للشاعر المرحوم فالح الحاج محمد )

  1. بواسطة المراسل

    عيزاني النوح واتجه اعله ضلع الماجبر مكسور جيتج
    وانهت وياخذني بمغافه الجفن طارش بجيتج
    اتخيليت الموت رافكني ورجيف الروح يدفعني اعله بيتج
    وانتي ....
    يلكاعج صبخه شرجي وهويتج
    ولملميت ادموع حدر اجفون ذبلانه ورويتج
    ومرمر اجويريد زخات الوفه اتخضر ثنيتج
    والربيع اشوافكه لامر عليج ونده غيمه
    واشته جن بارح يمر يحصد بكايه الروح ويذبل نسيمه
    ضلي حيل اوياج ما ينكسر خاطر ضلي هيمه
    ضلي فوك امروزك الغربان تتناغك يتيمه
    وانه ذاك انه...
    النده يتساكط اعله امتوني يضحك يا هضيمه
    وعيزيت الليل حتى الليل لم جنحه وتعده
    وخيبت ظني اعله جيتك حتى لو بالطيف راد يمر ترده
    وانه لعيونك صرت حرثة عشك وضلوعي سده
    بهذلتني...مرمرتني
    وماكفاك اتمرعد ابخيط الكلب لا ينكطع يفلان شده
    وارد للروح ابمذله ابياوكت غيمك نفع بارح ونده
    خل يعذب الروح مابالغ رشد جاشلي عده
    خله يتمردغ علي بس لا يوزه الغير ويخالط ابصده