منتديات نبع الفرات

تمت ارشفة منتديات نبع الفرات

المشاركات من الموضوع سين سين وينذبح اسم الحسين

  1. بواسطة العراقي راقي

    القصيده للشاعر السيد خالد الغالبي
    كتبت بتاريخ اليوم 1 محرم 1437


    [صورة]

    چانت الوادم ﮔبل تعشگ صحيح
    مو الغايه ومصلحه وجاه وعطاء
    وچانت الدمعه تشگ عين الينوح
    لأن ذيچ الناس تبچيها أبنقاء
    ورغم ممنوع اللطم ذاك الزمان
    چنا ننطي أرگابنا وننصب عزاء
    الشعائر عامره أبدم الشباب
    والمگابر تشهد الهذا الوفاء
    مامنعنه الخوف من شرطة يزيد
    چنا نلطم بالعلن مو بالخفاء
    صح ﮕبل چان البعض ينصر يزيد
    لچن ماشفنه شمر يلطم رياء
    ولا تنكر حرمله ابهيأة برير
    ولا عبيد الله أجه وقدم ولاء
    چانوا أمبينين عشاق الحسين
    تلگه فوگ أوجوهم نور وبهاء
    المواقف تنعرف مو بالنفاه
    الشدايد تفرز العنده أنتماء
    هسه من صار اللطم ليل ونهار
    صادروا عبراتنه أبضعف الأداء
    للأسف صار العزاء ابلا خشوع
    وصار ايقاع اللطم مثل الغناء
    سين سين وينذبح اسم الحسين
    وتنرفع فوگ الرمح من اسمه حاء
  2. بواسطة احمد ابو سجاد

    احسنتم
  3. بواسطة العراقي راقي

    حياك الله ابو سجاد
    شرفتنا