منتديات نبع الفرات

تمت ارشفة منتديات نبع الفرات

المشاركات من الموضوع دعـــوة ام ..

  1. بواسطة شـ,ـهـ,ـد

    ردلي علي .. ربي عـــــــــليك بحيدره
    ردلي علي .. بضلع الوديعه الطاهره
    دعوة الام مستجــــــــــــابه .. ربي بحـــــــــسين ومصابه
    ردلي علي .. ردلي علي
    *******
    جيت اسألك يا اللهي .. بحـــــــيدره حامي الحميه
    وربي ما ظن اغله عندك .. من ضلع صدر الزجيه
    هذا روحي وضـــــــــي عيوني .. اتغيّب ابير المنيه
    مثل مارديت يوسف .. رد علـــــــــــــي الاكبر اليه
    طول البعد .. يعقوب اله ذايب شمع
    يدري يرد .. وابيضت عـيونه دمع
    وابني ما ادري بغيابه
    ربي بحــسين ومصابه
    ردلي علي .. ردلي علي
    *************
    انا ادري بذكـــر حـــيدر.. لليندبك باب رحمه
    علّمت كل نبي مـــرسل .. بالشدد يلهج بأسمه
    وهذا ابني شبل حيدر .. وبأســــم حيدر تسمه
    من رحمتك ياللهي لا تــــــــــــردني وانه امه
    بجرح الضوه .. الما طاب لتراب اللحد
    وعن الدوه .. متعــــوب من كثر النشد
    بالجنين وكـــــــل عذابه
    ربي بحــــسين ومصابه
    ردلي علي .. ردلي علي
    ***********
    بكل جراحات الزجيه .. سيــــــــدي ومجمر دمعها
    بدم طفلها وماتحمل.. من هضـــــم عصرة ضلعها
    اشتكي وعصر النوايب .. روحي يالــوالي صدعها
    جيتك ام وشمعه عــــدها .. رب لا تطـــــفي شمعها
    بليل الربه .. بضلعي الحنيته بدرتي
    من النايبه .. ياربي ردلــي ضنوتي
    اخذه كل عمري لشبابه
    ربي بحــسين ومصابه
    ردلي علي
    **************
    بالمنازع ياللهي .. بالربه وليلـــــــــــــي السهرته
    بشهكة آخر نفس جيتك .. والنــــــفس يمك كَطعته
    جفوفي مرهونه بدعائي .. وعمري بالحومه رهنته
    وخطوه عن درب المنيه مـــــــرتهن امري برجعته
    ابني شبعد .. ام الوحــــيد شتنتظر
    نوفي بوعد .. لاما يخــــلينه الكَبر
    شما ندكَ للحــــد بابه
    ربي بحسين ومصابه
    ردلي علي .. ردلي علي
    *********
    بالغريب اللي اشـــوفه .. جـــــبده ذاب من النوايب
    كَلبه ضامي وجفنه دامي .. جسمه ايه من المصايب
    ينظر لابنه تغيب .. سيـــــــــــــدي ابير الحرايب
    لويشاهد جده الاحمد .. حاطته صــــــفوف الكتايب
    بطعن العده .. وطعن العـــــطش يتأمله
    ربي شـــبده .. انت ادره منـي بكربله
    وانت اعلـم بأنتحابه
    ربي بحسين ومصابه
    ردلي علي .. ردلي علي
  2. بواسطة مرتجى العامري

    الله الله سلمت الانامل ام حر
  3. بواسطة شـ,ـهـ,ـد

    اسعدني مروركم وافرحتني ردودكم
    شكرا لمروركم الجميل وتواصلكم الطيب احبتي