منتديات نبع الفرات

تمت ارشفة منتديات نبع الفرات

المشاركات من الموضوع قصيدة بحق امير المؤمنين الامام علي بن ابي طالب ع

  1. بواسطة المراسل

    من يبارز؟؟؟

    صاح ابن ود عالرجااااال
    وشاف حيدر وحدة طب لسّاحة
    باوع لجيشة وعليه بان ارتباك
    وصاح صوت ابنبرة مامرتاحة



    (آنة بالنسبة ألي صحت الرجال

    وهاذة ملك الموت ياهو الصاحة؟!!)

    كلّة ابو الحسنين (ياعمرو اتاك

    سيف ذولفقار سيفك حضّره)

    وانكطع نفسة ولزم كلبه بديه

    وحاجة روحة وكال (عمرو ياترى
    آنة ..ملك الموت حسبالي وطفيت
    شلون حالي وراح اكابل حيدرا ؟؟! )
    جان ذولفقار يلمع بالنزال

    وبلمعته وجوه بي مرسومة

    فلذلك جان كل كافر يشوف

    سيف ذولفقار قبل الحومة

    حتى يتأكد يدوّور بالوجوه

    يومه هاذة اليوم لو مو يومه !

    وابّدر حيدر رغم عمره زغير

    من ورااا محد تجرّأ جاسه

    حتى من ظهره علي اتفر الجيوش
    لأن جان ابظهره حب عباسه
    للورا مايلتفت لمن يصول

    نفس جدّامه الورا مقياسه

    كلهة تركض المن ايعاين وراه ؟

    تركض ابلا روووس_ جان احساسه

    ما صدق فارس قبل حيدر محال

    حيدر اول زلمة كد احجايته

    ماطبكها جفوفة كدام الفقير

    جفوفة جانت تشبه امصلايته

    ومن كثر ما يمسح ادموع الفقير

    جعل من عين الفقير امرايته

    هوّ حيدر والنبي المفروض توم

    بس رحم ماكو اليشيل اثنينهم

    يارحم شمسين يتحمل يشيل

    يا سما التكدر تلم شمسينهم

    كل شمس خلّة ابرحم بيده الأله

    حتى من عدهم يكون احسينهم


    اخوكم خالدلسعد






    ملاحضة
    حفاظا للحقوق الادبية لا اجيز نسخ القصيدة بدون اسم الشاعر
    ودي وتقديري
  2. بواسطة kadham

    شكرا اخي على الشعر الجميل
  3. بواسطة Alforati

    وفقكم الله اخي وهنيئا لكم