منتديات نبع الفرات

تمت ارشفة منتديات نبع الفرات

المشاركات من الموضوع أنزل عن غرورك خاطر أحچي أوياك

  1. بواسطة العراقي راقي

    القصيده للشاعر السيد خالد الغالبي


    أنزل عن غرورك خاطر أحچي أوياك
    من وكتك دقيقه أنطيني مو أكثر
    لو تصعدلي جوه لو أنزلك فوگ
    ياهي أتريد انت أبكيفك أمخير
    واجب صار أنصحك لأن وصلت بيك
    حتى أگبال روحك گمت تتكبر
    لاتنغر أبدنيا ويومها أبوجهين
    كل 12ساعه أبوجه تتغير
    مهما أتشيل خشمك تبقى فوگ الگاع
    واتبوگك سنه أعله الشمس من تفتر
    لو چانت الك باچر عليك أتصير
    أحذر من غدرها أشكثر ماتگدر
    دنيا أبلا وفه ومبنيه عالغايات
    والانسان ينذل بيها لو عمر
    صحيح الدنيا حلوه وتخدع الانسان
    دنيا أبعين زرگه وشعر لونه أصفر
    بس ويله التبعها وحبها حد الموت
    ويله الي ابحسنها أبيوم يتأثر
    حب الدنيا أبد ما فاز بيه أنسان
    ياهو الي يحبها أتوز عليه منكر
    گبلك أيست من چنت بيها أزغير
    من شفت الضماير بيها تتأجر
    لحگ عالهدمته وهسه گوم أبنيه
    لتفوتك الفرصه وتبقى تتحسر
    أكشخ بالتواضع من تمر عالناس
    وأتعطر أبسمه أشما شفت محظر
    بالعيني وأغاتي وحاضر وممنون
    تحتل كل گلب مليان غل وشر
    لآخرتك سفر حضر متاعك زين
    مو تحتاج كلشي أبوگفة المحشر
    لاينفع أخو لا أبن لا أموال
    بس جاه العمل وياك يتقدر
  2. بواسطة عبير الورد

    ما شاااء الله رروووعه تسلم الايادي
  3. بواسطة العراقي راقي

    حياك الله
    شرفتينا شكرا لطيب مرورك