منتديات نبع الفرات

تمت ارشفة منتديات نبع الفرات

المشاركات من الموضوع قصيدة بحق حامل اللواء

  1. بواسطة بهلول الرشيد

    السلام عليكم ورحمة الله وبركاته
    اللهم صل على محمد وال محمد
    --------------------------
    شرد اوّصفك يا زعيم المشرعه ....وانته عزرائيل كلّك هونك
    ماني لاحك بيك من اخطف ارواح ...حين سيفك لاكه اليضدونك
    شرد اكولن يا براكين الغضب ....وانته اعظم زلزله ايوصفونك
    وشرد اوّصف ياصواعق ياحمم ....ينقلاب وكارثه وهم دونك
    يا اسد والسيف نار الواقعه ....ويا لهيب اجهنم البعيونك
    ويا فلك دوّار يلهب لو زعل ....بيش خصمك سيدي ايباهونك
    يالكصدت الماي رغما عالعده ....وتدري يم المشرعه ايلاكونك
    وقررت توصل لعد ماي النهر ....لان اطفالك عطش يتنونك
    رجّفت كاع الحوتهم من صلت ....وغرّكيت الرادو ايغركونك
    وانه متأكد رجف حتى الفرات ....وصاح هاك الماي ليزعلونك
    انته سجّيل ونزل بمر الالاه ....وانته صرصر كلهم ايعرفونك
    وانته درك الاسفل او انته صقر ....وحين تلهب يحترك كل كونك
    كيف انه اكدر اوصفك ياشجاع ....وانته عند الله فقط مكنونك
    حيريت الكون ياراعي اللواء ....وحيريت اهل الشرك بفنونك
    وفقت كل معنى بتعابير العرب ....وعجزت حتى الذي يمدحونك
    ماكوحاجه اشهود في طف كربلاء...حتى يشهد بالنزال اشلونك
    واليريد اشهود ينظر للخصم ....من فتك بيهم فتك طاعونك
    الروايه اتكول هم عشرين الف ....والروات الوحدك ايذكرونك
    وهذا كله ومعرفو يا سيدي ....من مياه العلكمي ايمنعونك
    انته وين الموت مكطعت النداء ....طول يوم المعركه ايسمعونك
    وياخنازير الشرك بيهم تصيح ....وتدخل ابجمعتهم ايشهدونك
    وابد ساكن حرّكو لاوالرسول ....وابد لحضه فكّرو يدنونك
    ياعقيده ثابته ابروح اليقين ....والقيم تتغذه من ماعونك
    انته ايمان ابفعل لامو وصف ....وانته تطبيق العدل قانونك
    وانته عمق الطيبه ورمزالوفاء ....وفاق فضلك كل فضل يروونك
    حتى عدوانك ابساحات النزال ....بالشجاع الفاضل ايسمونك
    اهضمتهم نزلتهم للاقدام ....ومستطاعو سيدي ايهضمونك
    وحين عضدك سلمك بيده اللواء ....جان يعلم ماتكل امتونك
    وجان يدري الرايه بيمينك تلوك ....ويدري بيك انته التساجي اضعونك
    ويدري بيك انته التساجي اضعونك
  2. بواسطة العراقي راقي

    السلام على ابو الفضل العباس
    عظم الله لك الاجر
  3. بواسطة بهلول الرشيد

    عظم الله لكم الاجر واحسن الله لكم العزاء
    موالين
  4. بواسطة شـ,ـهـ,ـد

    رووعة
  5. بواسطة ضياء الصافي

    تسلم
    عاشت ايدك ابو زهراء