منتديات نبع الفرات

تمت ارشفة منتديات نبع الفرات

المشاركات من الموضوع قصيدة لا تحاول باسم الكربلائي من اصدار صلى الموت مكتوبة

  1. بواسطة محمد العبادي

    قصيدة لا تحاول باسم الكربلائي من اصدار صلى الموت مكتوبة


    لا تحاول
    للشاعر / ناظم الحاشي
    [فيديو]

    لا تحاول اوياي ما تكسر قراري .. أمشي له لوشوف موتي بإنتظاري
    يا موت يمنعني . . وحسين يسمعني

    روحي ، دمي ، عيني ، قلبي
    كل أعضاي جسمي والبدن لحسين مشاية
    لأجل الطاح جفه معتني وما طاحت الراية
    قاصد ، للطف ، ناذر ، عمري
    نار الغيرة بيا وما أرد واشتعلت براسي
    امشي بغيرتي وبايدي العلم والعشق عباس
    رافع ، راية ، ثاره ، بايدي
    أنا المشاي أجيت لزينب بعباس اواسيها
    أواسي ام البنين الطاهرة وبحسين أعزيها
    والغيرة تدفعني . . وحسين يسمعني

    ***

    بأيده ، أمري ، بأمره ، أمري
    يا دنيا وقراري للأبد ما بدل حسيني
    لو شمس وقمر عن يمنتي ويسراي تنطيني
    يحضر ، نشري ، يجبر ، كسري
    لو مكسور جنحي وما طرت بجناحه تلقيني
    أنا المجنون بإسمه ورافضي شتريد سميني
    أحلف ، بإسمه ، فدوة ، إلدمه
    كل ما ابتعد عن كربله يظل يكبر بعيني
    حب حسين ديني ومذهبي ما ساوم بديني
    ياهو إليرجعني . . وحسين يسمعني

    ***

    آدم ، موسى ، يوسف ، عيسى
    كل الأنبياء وما خلق متعنية يم بابه
    وأملاك السما وساقي العرش نزلت على اعتابه
    عرشه ، شمسه ، جنه ، إنسه
    كلها اليوم نزلت ع الجسد وتعزي بمصابه
    بترابه الشريف اتخضبت وتصلي بترابه
    صبره ، نصره ، دمه ، ثوره
    كل قطرة دماء اترتلت آيات بكتابه
    كل صرخة طفل بين الخيم آذان محرابه
    ومصابه يفجعني . . وحسين يسمعني

    ***

    عينك ، تدمع ، قلبك ، يخشع
    لو شفت الإمام المنتظر يتلقى خطاره
    والعباس نادى من بعد يا هلا بزواره
    ربك ، يقسم ، كلمن ، يخدم
    بالجنات داره من ذهب كلمن فتح داره
    من سندس لباسه بالحشر والحور بأكتاره
    صادق ، عهده ، ثابت ، وعده
    ما يخلف عهد رب العرش لحسين وأنصاره
    ويسلمه كتابه باليمين ويطالب بثاره
    ويصيح رافعني . . وحسين يسمعني

    ***

    تعبد ، ربك ، تغسل ، ذنبك
    كل خطوة يا شيعي بكربله لو ردت تخطيها
    بسبعين حجة لو طفت جنك طفت بيها
    بإسمك ، رفعت ، آية ، نصرك
    من عندك كرامة لزارتك يا حسين تكفيها
    جبريل ايتبارك لو نزل بتراب رجليها
    دمك ، ثورة ، شعلة ، نصره
    هاي زيارتك وقت المنع من جنها نمشيها
    شعلة وما طفت وقت الظلم يا حسين تدريها
    والخوف ودعني . . وحسين يسمعني

    ***

    صرخة ، صوتي ، بالطف ، موتي
    لا تحاول ترى ولو حاولت ما تغيّر أفكاري
    ثاري وما اعوفه لو متت لو آخذ بثاري
    فاطم ، تعلم ، ناذر ، عمري
    لو عفته شقول لفاطمة وما تنفع اعذاري
    نار الغيرة بيا وتشتعل لأجل السبط ناري
    شنهي ، عذري ، واعرف ، وادري
    هذا افضل ثلاثة بالشمس فوق الارض عاري
    هذا ابن الزجية لو رضت ينزل رضا الباري
    يا عذر يقنعني . . وحسين يسمعني
  2. بواسطة انا لحسين انجرف

    نقل موفقك اخي
    موفق بأذن الله
  3. بواسطة العراقي راقي

    الله يوفقك
    عظم الله لك الاجر
  4. بواسطة محمد العبادي

    شكراا ع المرور :t4409:
  5. بواسطة Hazim M

    مأجورين و مُثابين
  6. بواسطة محمد العبادي

    شكراا ع المرور الراقي
  7. بواسطة شـ,ـهـ,ـد

    احسنت الطرح
    بارك الله بك