منتديات نبع الفرات

تمت ارشفة منتديات نبع الفرات

المشاركات من الموضوع شيبني ضيم الدهر / زهيري

  1. بواسطة بهلول الرشيد

    شيبني ضيم الدهر وانه بعدني شاب
    والكلب قبل الشعر قاسى الهموم وشاب
    انه الكضيت العمر شمعه بدربهم شاب
    لمن طفيت انكروا حبي وصفوا شمات
    بدموعي اسكي اشذبل منهم وباري شمات
    ظنيته يطلع ورد واربح ولوا شمات
    ثاريه الخابط يظل خابط ماينفع بيه شاب
    منقول
  2. بواسطة بهلول الرشيد

    انساك ما اعتقد وانت الكلامك ترف
    راية عشكنه تضل باجواء حبك ترف
    صدكني من تبتعد اوفأ لبعدك ترف
    نبت الزرعته بوفه كوم احصده حب
    وحب لبكلبي الك ما يشبهه حب
    من اشعرت بالضمه كلبي انكلبلك حب
    فرحان ولشوفتك عيني استمرت ترف
  3. بواسطة بهلول الرشيد

    مشرك دليلي صفه والحبه طبعأ شرك
    بكليبي بالك تطب بالباب ناصب شرك
    من جابك الحضرتي وسوه كلي وشرك
    خافنك بجيتك تترجه مني امر
    ايعاز بيه صفه وكليبي صدر امر
    من تاكل بجبتي من كد حلاتي امر
    لاتكعد بريتي مابيه خايب نفس
    والعاذل بطبتك باوع علينه ونفس
    يالجاي تاخذ شكو ربك خلقلك نفس
    ونطاك روح وكلب منعده رايد بعد
    وان جان نيتك تجي محبوبي راح وبعد
    يالساكن روحتي مابيه احمل بعد
    وهواي بيه ختنك وبروحي كح وشرك
  4. بواسطة بهلول الرشيد

    فوك اعلى راس الكلب حجيك الفاير صله
    وصير انته مثل الوكت دكاته بيه صــــــله
    جائز يصلي جذب لكن الظاهر صـــــــــله
    كلبي وركع للعشك كدام حسنك وهــــــــم
    وشكد تحمل بهض وشياط دمي وهــــــــم
    حيل استحي لو طلع وياك عايش وهـــــم
    وايامه التطشرت مالها بروحك صلـــــــه
  5. بواسطة العراقي راقي

    تسلم ابو حسين
    عاشت ايدك
  6. بواسطة بهلول الرشيد

    شكرا لك ابو زين
    لك ودي
  7. بواسطة عشاق الولاية

    (ابــــــو زهــــــراء )-(بهلول الرشيـــــد)

    كلمات اجبرتني علي مشاركتكـ لاحساسي بصدقها وايمانا مني بقلم يختار اجود المفردات
    ماذا أقول لكـ يا سيد الحرف ومنبع المعاني
    وبحور الكلام ..
    كيف وأنا دائما أقف أمامكـ .. صامت..
    من جمال ما أراه
    ومن حسن أبداعكـ وصياغتكـ المتقنة ...

    تقبل مرور ي {عشاق الولايةة }
  8. بواسطة بهلول الرشيد

    الف شكر لكلماتك الصادقه عشاق الولايه
    الف تحيه لك