منتديات نبع الفرات

تمت ارشفة منتديات نبع الفرات

المشاركات من الموضوع إجه الموت ١٤٣٧هـ /مكتوبه

  1. بواسطة محمد العبادي

    اجه الموت نزل شايل علم
    و لا صوت فقط كلمة نعم
    *********************
    انا سيف القدر انا موت الحمر
    ابن حيدر علي يسموني الگمر
    انا و كلمة انا اسولفها بفخر
    اذا يقبل اخي و لا خلي نفر
    اذا زينب ضمت اجيبلها بحر
    اذا بجت اشق حلك الدهر
    منو گال اجي يم الخيم
    و لا صوت فقط كلمة نعم
    ***************
    صريح بمظهري حسيني حيدري
    انا ابن الشطر غرور العامري
    ابو الغيرة انا يا زينب أمري
    فلا توصل إلج جيوش السامري
    فقط سوح الوغى تطيب خاطري
    صعب جو الحرب اشوفه شاعري
    علي گال هلا براعي الشيم
    و لا صوت فقط كلمة نعم
    ****************
    ابد ماكو مثل وفائي و خوتي
    انا شما ارتفع آدنگ لخوتي
    انا خادم لچن چبير بخدمتي
    لبن امي شرف يغذي شيمتي
    اخو زينب و ضل مثال بغيرتي
    لذلك بالزعل تخوف خزرتي
    و لا خاف و لا آرجع قدم
    و لا صوت فقط كلمة نعم
    ***********
    انا و زينب سوى حچينه يستمر
    چنت اني طفل و هية تنتظر
    چنت اصنع علم چنت ابني ستر
    تسميني الگمر و اگلها أم الخدر
    اذا اختي اجت صرت كلش حذر
    اذا مسها الهوا اغار و اعتذر
    ضوه الكون اخنگه بلا رحم
    و لا صوت فقط كلمة نعم
    **************
    خيال اختي خدر حرام الينظره
    أميرة لو مشت اصيرلها ثرى
    اذا تعبر نهر اصيرن كنطره
    اشوفنها علم يشوفوها مره
    خسها كلمن يضن يمس الطاهره
    على گطع النحر أنا ألزمك سره
    للحسين صحت كلكم خدم
    و لا صوت فقط كلمة نعم
    *********
    للشاعر : عبد الخالق المحنه
    قرأت في حسينية داود العاشور ليلة ٧ محرم ١٤٣٧ هـ بصوت الملا باسم الكربلائي
    *************




    منقول
  2. بواسطة العراقي راقي

    تسلم ابو جاسم
    تحياتي
  3. بواسطة محمد العبادي

    نورت
    شكراا ع المرور :t4409:
  4. بواسطة ضياء الصافي

    أحسنت اخي
  5. بواسطة محمد العبادي

    نورت ضياء
  6. بواسطة شـ,ـهـ,ـد

    احسنت النقل
    مأجورين
  7. بواسطة Abbas Al-iraqi

    [صورة]