منتديات نبع الفرات

تمت ارشفة منتديات نبع الفرات

المشاركات من الموضوع مـصايب في مصايب

  1. بواسطة عشاق الولاية

    [صورة]
    اخوتي الاعزاء هنا بدات بصرخه ملئت ارجاء هذا السكون لااعرف كيف اهدأ وبدى علي الاضطراب لما في صدري من عظيم جلل موقف تعايشت معه عن قرب ..واحببت ان افرغ هذا الامر المحزن من خاطري وقلت في خلدي كيف يكون ذاك واخيرا اهتديت ان ارشق مااشعر به امام ناظركم لعلي ارتاح من هذا الالم الذي هز كل كياني.. ولااريد ان استعرض مايدور في راسي حتى يكون كالساريه التي في اعلاها بيرق زاهي الالوان يرفرف ويبعث باشارات الى مجد اقصده او غنيمه ارتجيها ..فقط قصدت اشراك مشاعركم وعقولكم النيره لعل تلك المقوله التي افاضها ذلك الحكيم تكون دوائي ..وهي ماخاب من استشار....[صورة]
    وبلغتـكم الدارجه ..اخواني نحن في زمن غريب عجيب..شاب في الخامس الاعدادي تقريبا عمره قريب لل18 سنه بعد شكو ناضج والمفروض يكون فاهم شسوى بابوه هاي اليوم سولفلي والله بالصدفه حرك ملابس ابوه وتجاوز عليه وطرده من البيت شنو شتريد عمي يريد ابوه يشتريله تاهو هاي سياره اخر هده سعرها بالاربع شدات تقريبا شيريد يكشخ بيها كدام زملائه ويصعدهم ويفترون بالشوارع والنغمات الحلوه يطكن للسما ..وابوه خطيه ينام بالفنادق مايخليه يطب للبيت..بله هاي صايره دايره والله شعر راسي وكف واحتركت حركه اخ لو الزمه الااطلع بيه ضيم العراق كله من الشمال للجنوب ..هسه راح اسالكم وشاركوني هاي الطركاعه ..
    1..هل الاب ماعرف يربيه بس حتى لو بس مايصير الاستغلال لهاي الدرجه .
    2..هل الاب شخصيته ضعيفه جدا حتى وصل بيه الامر الى فقدان السيطره ..بس الابن ماعنده غيره على ابوه ماادري.
    3..هل الدلال الزائد هو السبب في الموضوع بس همات من كبر الولد المفروض يحب ابوه الي موفرله كلشي مو يحرك هدومه.
    4..دور الام بالموضوع شنو وهل هاي الحاله نادره جدا انه اعتقد جاي تنتشر لان ثاني حاله اسمعها شخصيا من ابوين مختلفين.
    5..هل التسامح المستمر لاخطاء الابناء من قبل الاباء يولد هكذا حالات..مااعرف ربما
    اخوان اني ضايج حيل وهذا الاب الله يسامحه صدك شبعني قهر وعلى كولة عادل امام هو اني نائص .....شتقولون بكيفكم ..[صورة]

    مـــــنقول ...... لــــم اغير فيها شـــــي
    تقبلوا تحياتي
    {عشاق الولاية }
  2. بواسطة Rain

    التربيه والبعد عن الدين الاسلامي الحنيف
    لا صلاه لا صوم ولا قراءه قران شنو نتوقع من هيج شخص ان يكون
    وحتى لو هذا الشئ فرضنا اكو كفار ميسوون الي سوا هذا دليل عدم تربيه وماعنده اي انسانيه
    الله يوفقنا ان نكون بارين بأهلنا لان ماكو بعد رضاهم الا الجنه
    شكرا عزيزتي على الموضوع
    تحياتي
  3. بواسطة عشاق الولاية

    شكرا اختي لهذا الحضور الرائع يعني افتهم من رايك المحترم الدلال وعدم المحاسبه هما السببان الرئيسيان ..لكن اختي هذان بالفعل يؤثران لكن ليس بالضروره يوصلان لهذه النتيجه الماساويه ..اذن هناك ارتباط بنفسية الطفل وتعلقه بهذا السوء الذي وصل اليه لكن الاتعتقدين هناك اشياء اخرى
  4. بواسطة العراقي راقي

    مشكله يشيب لها راس الرضيع
    انا لله وانا اليه راجعون
    شكرا جزيلا
    لك
  5. بواسطة Rain

    ربما اصدقاء سوء عزيزتي هم الذين جعلوا من هذا الطفل وحش حتى على والديه