منتديات نبع الفرات

تمت ارشفة منتديات نبع الفرات

المشاركات من الموضوع شخباركم.... قلمي ومايكتب

  1. بواسطة ضياء الصافي

    5485

    شخباركم
    انشد واصيح بصوت صفگات الگصب يم داركم.
    متعليه حيل ولاتمر،
    حسبوني چن خطاركم.
    ناعور وي طگْة الصبح،
    چنت بسواجي اعتابكم.
    سنبلتي خظرة ومنجلك
    حشّم رگع سندانكم.
    تحصدني ،ماراوي بعد
    ما طايح بميحانكم.
    عطشان گتلي وفرهدت
    ماي وترسّت ارواوكم
    ساجيتي ماتتعب چنت
    تغرف غرف يم بابكم
    هسه انا هم أستغربت
    وحسّبت غير حسابكم
    بلكي گلت ناسي ويرد
    شو مايرد ! شنهي ذبل جماركم
    ماريد منكم بس هله
    أدري الهله ممنوعه من أكباركم؟
    انا افرش بساحة بخت
    بلكي البخت ذكّرّكم بخلانكم

    بقلمي
    سيد ضياء الصافي

    5485
  2. بواسطة Rain

    كلمات جميله جدا وعتاب رائع سلمت اخي العزيز على هذا الابداع
    تحياتي
  3. بواسطة العراقي راقي

    اهلا بيك سيدنا نورت
    مشتاقين لقلمك
  4. بواسطة ضياء الصافي

    الله يسلمكم
    شكراً للمرور العطر
  5. بواسطة ضياء الصافي

    ا
    أبو زيون الغالي
    انتم النور
  6. بواسطة شـ,ـهـ,ـد

    هلا وغلا بسيد وخويه العزيز والغالي
    .....
    شسولفلك خويه وشكلك على اليجرالي.
    ضنيتهم سند وكت الشدات .
    وتالي هم أول الباعوني
  7. بواسطة ضياء الصافي

    أختي الغالية على راسي
    اتمنى ان تكوني بخير
    وانا اصيرلج سد وسند بس كولي
  8. بواسطة شـ,ـهـ,ـد

    يسلم راسك يغالي هيه هاي مواقف تبين معادن الناس
    وانت معدنك خويه ذهب. Lu)
  9. بواسطة ضياء الصافي

    الله يسلمج خويه
    ياطيبة وحنونة
  10. بواسطة ام بنين

    سلمت الايادي