منتديات نبع الفرات

تمت ارشفة منتديات نبع الفرات

المشاركات من الموضوع قصيده قال النبي المختار من الله يا كرار متعلي شانك لمهدي العبودي ( انتخبوا علي )

  1. بواسطة Hazim M

    قصيده قال النبي المختار من الله يا كرار متعلي شانك لمهدي العبودي ( انتخبوا علي )




    للاستماع للقصيده








    اختارك اله الكون *** غيرك يصير شلون ** ياخذ مكانك
    محد يصون الدين** بس انته يابو حسين ** فلتت زمانك
    طه انتخب ** حيدر امير ** صوت اله ** بيوم الغدير
    شلون ما افرح وعيد بعيدك ****بكل فخر طه النبي شال ايدك
    صـــوت الك حتــه الضـمــير..
    -----------------------------
    قال النبي المختار ** من الله ياكرار** متعلي شانه
    تاجك علا اعلى الراس ** والي صرت عالناس** في برلمانه
    اختارك اله الكون ** غيرك يصير شلون ** ياخذ مكانك
    محد يصون الدين** بس انته يابو حسين ** فلتت زمانك
    قوم ياكرار والبس تاجك ** حتى أملاك السما تحتاجك --(2)
    غيرك ولي ** لا مايصير --(2)
    -----------------------------
    المنصب يريد إنسان ** موكائنا من كان ** ثابت اساسه
    هيبة وورع بالدين ** ويعرفها كلش زين ** شنهو السياسه
    العنده صدق وأخلاق ** ويناله باستحقاق ** كرسي الرئاسه
    خلي الامر محسوم ** لو واحد بفذ يوم ** حاول مساسه
    وانته غيرك ياهو يتصدى لها ** ماتريد المهره بس خيالها --(2)
    جفك سقف ** بيت الفقير --(2)
    -----------------------------
    رب العرش خلاك ** تاج على روس عداك ** ماكو مثيله
    ماظن بعد بالكون ** من كل اليرجحون ** يصلح بديله
    تشطر شطر بالسيف ** بس برهاوه وكيف ** رأفة بقتيله
    والي وقع ممنون ** مايعترض وشلون ** ينكر جميله
    معجزات البيه داخوا بيها ** الحرب نار وسيفك يطفيها--(2)
    والقابلك ** عمره قصير --(2)
    -----------------------------
    النفاسوك هواي ** بس انته فزت بهاي ** وبكل جداره
    والفرزوا الاصوات ** يمكن عدوك مات ** شاف الخسارة
    رغم الي يزورون ** اول صرت على الكون ** ماخذ صداره
    ياحيدر الوالاك ** سار على درب خطاك ** رهن الاشارة
    على الصراط هناك يمشي بزودك ** وانته ماتخلف ابد بعهودك --(2)
    يوم الحشر ** لا مايحير --(2)
    -----------------------------
    طه انتخب ** حيدر امير ** صوت اله ** بيوم الغدير
    شلون ما افرح وعيد بعيدك ****بكل فخر طه النبي شال ايدك
    صـــوت الك حتــه الضـمــير..


    الفيديو


    [فيديو]


    للتحميل من


    الفور شير




    او التحميل من موقع نبع الفرات
  2. بواسطة Hussam

    http://jumbofiles.com/tij3909kfvgc
    على سيرفر jumbofiles

    قصيده كلش حلوه مبدع دائماً
    شكراً :P
  3. بواسطة Hazim M

    نورت حسام :)
  4. بواسطة احمد ابو سجاد

    بارك الله بك اخي حازم والله يوفقك لعمل الخير