منتديات نبع الفرات

تمت ارشفة منتديات نبع الفرات

المشاركات من الموضوع قصيده مطلقه لطليقها منقول

  1. بواسطة المراسل

    خلاص وماتت البسمه وحارت خطوة الاقدام ،،، ولالي غير ذكراكم أسولف في طواريها


    علامك ناوين ترحل وتتركني مع الاوهام ،،، ترى بعدك علي اكبر من الدنيا وما فيها


    تودعني وانا ضايق ودمعي بلل الأكمام ،،، عسى ليلة وداعك ما يعيد الوقت ماضيها


    نسيت الوصل والطيبه نسيت الحلم والأحلام ،،، نسيت اللي على شانك ولو يصعب أسويها


    نسيت عيون تسهر لك وعينك تتركه وتنام ،،، نسيت الشعروحروفن على شانك قوافيها


    نسيت الشوق واللهفه اذا شفتك بعد أيام ،،، أعاتب ليلة وحده تروح ولا تجي فيها


    نسيت احلامنا كله ونحلم وش يجي قدام ،،، نقول الحلم يتحقق ولو طالت لياليها


    ترى لو طول غيابك أحس بساعته اعوام ،،، أحس البعد ما يرحم واقوم احسب ثوانيها


    نسيت أطفال من عقبك غدو في زحمة الأيتام ،،، أمانه من عقب صدر (الابو)منهو يدفيها


    نسيت شلون بيدينك تعلم مسكة المرسام ،،، كتب اسمك على كفه وبلسانه يهجيها


    أشوفك ما تبي تحكي أو ان البال منك هام ،،، تكلم قول أي كلمه عسى ناري تطفيها


    وذاب البوح من بعدك وماتت نشوة الأقلام ،،، (وعقبك يا بعدحالي) حياتي من يسليها


    فديتك لا تعاتبني اذا من عقبكم منظام ،،، ترى نارالغلا تحرق وتكوي رجل واطيها


    أشوف فراقك بعيني مع اسراب الليالي حام ،،، عشان الروح لا ترحل عسى ترجع وتحييها


    مدام انك خذيت اغلى شعوري واصدق الالهام ،،، تعال وخذمعك روحي ترى لاغبت ما ابيها