منتديات نبع الفرات

تمت ارشفة منتديات نبع الفرات

المشاركات من الموضوع قصيده عن الصـــــداقه ....

  1. بواسطة المراسل

    قصيده عن الصـــــداقه

    مو كلمن فتحلك باب يهواكك ....ولا كل من يكرهك بابه ينسد..
    .
    اكو مسدود بابة وكلبه مفتوح ..... وأكو مفتوح بابة وكلبه أسود ...

    ... اذا طشيت صحبانك على الماي .... أثكلهم وفه الجواك يركد..

    واخففهم يظل طافح على الراق ...يروح ويه الجزر ويرجعه المد ...

    وأذا محتار سافر تعرف الناس ...منو يزت القطار ويوقف أزيد...

    أكو تشدة بحبل ويقطعة ويروح .....وأكو بكلمة شرف عالسكة ينشد ...

    وأكو بمشية قطارك عينه تحتار ...وبأخر لحظة وياك يصعد.
    .
    وأكو يشيل المحطة ويه القطارات...ويدقهة على قلبة وصدرة ينشد ..

    فرق بين اليعبدك بالمحطات..وفرق بين البنالك بكلبه معبد....

    ومو كل من ضحكلك منة ترتاح ..ترة ناب الضبع بكل ضحكه ينحد ..

    ولا تحقد على كل من يبجيك ...أذا دمعك طفح صدقني تبرد..

    البشر دلة ويفور بداخله الضيم ...أذا يطفح دمع نيرانه تخمد..

    ولا تحقد على الصعدو بلا جناح ...معروف الصقر لو جنحه ينشد

    ومو كل من نزل يتسمى مذلول ... ولا كل من صعد يتسمى امجد ..

    أكو صاعد رغم ما هوه على الكاع ...وأكو نازل لو قمة يصعد ...

    راسك منتصد أعلى من الايدين ...بس من السهل تتناوشة اليد...

    أذا عندك جبل خلهم يصعدون ....فرق بين الصعد والراد يصعد ..

    أكو يد الجبل لو هد الجفوف ....وأكو يهدة الجبل لو جفة ينهد....

    وعلى المبرد كفر تنغر السيوف ... لأن سيف على سيف بقلبة ينحد ...

    وأذا عنهم رحل كلهم يخسرون ... شنو نفع السيوف بلاية مبرد...

    وما يرحل كذب خاف يعمون ... ويضل السيف بقصبة ينصد...

    أذا تعزف لحن ويذمك أنسان .... لا تقطع كمانك صعبة ينشد

    مرات اللحن مايطرب الناس ...ومرات البشر أذاناتة تنسد...

    ومرات اللحن تطربلة طرشان ...بس طبع الي يسمعك زور يشهد

    على البلبل يكلك منكر الصوت ...وأذا ينهك حماره يصيح غرد...

    أذا حجيك حكم وتخاطب الناس ...كل راس على كدة وياك ينشد ..

    لأن روس البشر عكس الفراغات ...كل ما تنترس تستوعب ازيد ..

    وأذا تحجي ويرد صوتك كما كان ... يعني اليسمعك فارغ مجرد

    صوتك ما يردة الراسه متروس ...لأن بس بالفراغ الصوت يرتد

    وأذا ضيمك كبر لاتحجب العين ...وتشوف الدنيه كلهة بلون أسود.

    منو بهذا الوكت ما غيرة الضيم ....حتى ابيوم الأحد ماكو أحد ...

    لكن لا تضل تحسب توابيت ...أنا كبلك عليه صب أسود العد ...

    أرفعت راسي وكفت احسب بالاعراس ..وعلى خشم السواد الابيض أمتد

    ولو غثني الطفل من شفتة بالعيد ...يشل بجروح ثوبة ودمعة عله الخد

    بس أني أفرحت لان جنتة الاطفال ..ومسح كل الدموع وراح عييد ...

    علمنة الطفل يصبر على الضيم ...وطلع منا الطفل أيمانة أزيد...

    أريد أطرح قضية وأنتم أسلام ....وأريد أسأل جمعكم وأطلب الرد ..

    بنيتو شكد معابد كلهة على الارض ....منو البيكم بنالة بقلبة معبد..

    ما أكول كفر لو كلت أيمان ...لكن مهزلة وما ألهة أحد .....

    للثلاثة الملاهي مفتحة بالليل ...وبالعشرة الجوامع كلهة تنسد..




    منقووووووووووول