منتديات نبع الفرات

تمت ارشفة منتديات نبع الفرات

المشاركات من الموضوع عله مخاد الرصيف تنام الايتام

  1. بواسطة شـ,ـهـ,ـد

    عله مخاد الرصيف تنام الايتام
    على حشف النخل أقتاتت الفقره
    وعلى لفحة سموم تنام الازغار
    وعلى لمضة سمه هالندرس ونقره
    جبنــــاهه قهر من ذيج الايـــــام
    نصبر والصبر طك وخلص صبره
    الف حجاج شـــــومر وذبح بيك
    ولاعـــــابك ذبحهم لاشفت شره
    انت المرتجي وبيك الفخر يازود
    ومن ارضك يصوت خاتم العتره
    يــــــاموطن علي وكل المنارات
    ياموطن الباز وننتظر حشره
    منو يدانيك ياسيد الحضارات
    وعلمت الحرف للعالم بكبره
    وينك يابلد شـــــو طولت نوم
    ولاجنك عظيم وفارس المهره
    ذبحو كل صفاتك وانت شاهين
    مجروح واجوك وزادو الطبره
    يلله ياوطن بس همتك أويـــــاي
    ندوس اعله الجرح ونبشر الفقره
    ليلك طـــــــال يمعود واجه الليل
    موكلهه يتـــــامه وتنتظر فجره
    ملينه الحجي يا موطن الامجاد
    مو حتى القلم مل ونزعه حبره
    ابن ملجم فجعنه بساعة التكبير
    واحنه نلوم حظنه اللازك بفكره
    نازل ياوطن كلي الدرب لا وين
    اليتامه تموت وانت مسلم الصره
    اذا قصدك شمالك راح الله وياه
    بس نموت كلنه وسالمه البصره
  2. بواسطة ضياء الصافي

    الله الله
    شكراً لتلك الكلمات الراقية
  3. بواسطة شـ,ـهـ,ـد

    الله عليك نورت الموضوع