منتديات نبع الفرات

تمت ارشفة منتديات نبع الفرات

المشاركات من الموضوع كلي فداك ياسيدي الصدر(( بقلمي)))

  1. بواسطة ضياء الصافي

    [صورة]يامن لسانُك عاجزٌ عن نُطقهِ.
    . هذا حُسامٌ للوغى ياجاهلا..


    انت مامجبور عل الزله وحچيت.
    .الاّ أعمى وماكو كل ذرة عقل.
    انتَ شنهي الجايبك حد الرجال
    خاطر تحطّ القياس بكل رجل
    شنهي ماعندك بخت كلش مُحال
    جاي وتريد اتّمرجح بالجِبل
    ادري يمكن ماشفت ؟ بس انتَ وين
    غير گاضيها تدگ وي الطبل
    گلي شنهي الغاثك خاطر نجيك
    نجيب ويانه التريده وما نمل
    انتَ يمكن من جماعة داده هاك
    يجيب بالحمره ويرجّع بالكحل
    انا ما زاود واخلي عليه عيب
    عيب كلمن باعها وزاح الخجل
    انا ترباة اليهز بلسانه كوُن
    وخله مسالته تهز كوكب زحل
    أنا أبوي المايخليني جبان
    موش مثلك دوم لاحكني الحِلل
    عَلِماني شلون اردّ عل عنده دين
    لا يخايب مايعلمني الزلل
    انا ابوي الصدر مو مايع دلال
    لاتخليني اشگ ثوب الزعل
    .................


    بقلمي

    سيد ضياء الصافي
    الناصرية


    [صورة]
  2. بواسطة مرتجى العامري

    ليش ناشره هنا :4:

    كلمات رائعة وشاعر اروع
    سلمت اناملك سيد
  3. بواسطة ضياء الصافي

    هله بيك عيوني
    بعدني جديد على الشغلة ماعرف وين أنشر
    :4:
  4. بواسطة مرتجى العامري

    تم النقل :4:
  5. بواسطة ضياء الصافي

    شكراً لك
  6. بواسطة Rain

    مبدع تسلم ايدك سيد ضياء على هذا الابداع
    ان شاء الله دوام التألق
    تحياتي
  7. بواسطة ضياء الصافي

    ممنون من الحظور الراقي
    دمتي لي