منتديات نبع الفرات

تمت ارشفة منتديات نبع الفرات

المشاركات من الموضوع الله ينطي اعيون للوادم تشوف

  1. بواسطة ضياء الصافي

    الله ينطي اعيون للوادم تشوف
    وانت عندك عين تذبح بالبشر
    انت خدك راصقي او جفك حرير.
    او لون عينك ماخذ الوان البحر
    لو ردت تمشي شبيه الخيزران.
    او لو ردت تحجي مثل نغمة وتر
    ليش اخذت الفرح مني ابيوم عيد
    وانت عيدك يشبه العرس الغجر.
    انت سهله اتبوك من عندي الشموع
    لكن اتحداك اذا بكت الكمر.
    الناس تنشدني على افراكك شكول
    وانت تدري ابطبعي اموت اوﻻ اذل
    باذني كمت اسمع حجي الكالوا عليك
    او رادوا ايسمعوني او كالوا زعل
    وانه اعرفك وانا تعرف طبعي زين
    روحي تزهك لو شفت وجهك ثكل
    انت ناوي اتروح والحادي غريب
    والضعن بالليل حمل وارتحل
    ﻻتوادعني اودعك مستحيل
    انه احجيها ابصراحه ابلا خجل
    ما امد جفي واصافح للوداع
    خاف جف ايدي او ي جف ايدك يضل
    وانت راسم صورتي ابوسط العيون
    او خاف يمسح رسمي دمعك لو نزل
    وانه كضيتك بدي بس تمشي اطيح
    وانت تدري ابطيحتي طيحة جبل
    او هيه كطره المستحى مو حفنه ماي
    واليخون ابصاحبه عيب او فشل


    صادق سيد جواد الصافي
  2. بواسطة العراقي راقي

    [صورة]
  3. بواسطة ضياء الصافي

    شكراً لتواجدك هنا
    ابو زيون
  4. بواسطة بهلول الرشيد

    مشكور سيدنه الغالي
    لك مني ارق التحيات
  5. بواسطة ضياء الصافي

    لك مني أجمل التحايا
    تقديري وحبي
  6. بواسطة شـ,ـهـ,ـد

    ذائقه رائعة
    شكرا لطرح