منتديات نبع الفرات

تمت ارشفة منتديات نبع الفرات

المشاركات من الموضوع شكد احب بيك الزعل>>>>>>بقلمي

  1. بواسطة المراسل

    شكد احب بيك الزعل عن لا يصير...

    الزعل ماصخ كونك انته تملحه...

    مثل شمس تزاعل الليل وتروح ...

    بس ترد من الصبح وتصالحه....

    شكد احب بيك الزعل بس مايطول...

    وعالجرح تنزل ملح مااا تجرحه ...

    وكون بس تذكر زعل ترجع عليه ...

    وكبل مااا يوصل الك وك تمسحه...

    تدري بيه اهواك بس مكدر عليك...

    لا تكض جرحي اعله ايدي تلولحه...

    وكون بس الكون لو تطلعلي كون...

    جااا زرعت الكون كون تمازحه....

    آنه مو تدري الكلب كله عليك....

    حتى دكاااته الك متمرجحه...

    لا تصير بكهف صوت تضل تصيح...

    مو صداك يعوف صوتك يفضحه...

    ولذلك ياحبيبي الزعل يوم...

    ولو غلط ولفك عليك تسااامحه...

    خلي عندك عذر وازعل لو تريد ...

    وخلي عندك حجه تزعل واااضحه...

    العشك لو ما الزعل ما صااار اكيد....

    لن الحلات الشمس ليلي تصااابحه....

    شكد احب بيك الزعل عن لا يصير...

    الزعل ماصخ كونك انته تملحه...



    بقلمي

    اخوكم احساس قلم