منتديات نبع الفرات

تمت ارشفة منتديات نبع الفرات

المشاركات من الموضوع خذني وياك

  1. بواسطة ضياء الصافي

    جملني بعد كطره ..وخذني وياك

    هناك ..الفيض كلبك ..

    حتى روحي تنام

    عصفورة جرف .. بلل جنحها الكيض

    اخذني وياك

    امشي ابغير واهس..

    والطواري كصار

    وعيوني غرب .. وجفوف اديه اوداع

    واسمي .. ابغير معنى ..

    وميل كحلك غاب

    وتنشدني اعله كلبي !

    كلبي حب وذاب

    ياكلبي حلك تنور.. لو سرداب ؟

    صوغني .. ولو من ليلكم نجمه..

    تبات وياي

    ومن تشبع سهر ..

    ويجيسها الوهواس

    اطفيها ابصبح ..

    والغبشه رشكه ماي

    واشعلني ولع ..

    يدوي العطش بالعود

    حتى انزع جلد روحي

    و ارد لصباي

    أملني الفرح بسمك ..ورد عالباب

    فاحت ريحته .. ولنك بعد ماجاي

    بعد ماجاي !!

    من ياصوت أصيحك ؟

    والصدى ايجاريك

    واكلك : مكدرت .. يالتكدر ابلياي


    الشاعر عريان السيد خلف
  2. بواسطة مرتجى العامري

    سلمت الايادي ع النقل الجميل :t4409:
  3. بواسطة ضياء الصافي

    ممنون منك بعد روحي
  4. بواسطة شـ,ـهـ,ـد

    ررروعه الله عليك