منتديات نبع الفرات

تمت ارشفة منتديات نبع الفرات

المشاركات من الموضوع ابوذيات ودارميات قديمة

  1. بواسطة ضياء الصافي

    ناكة شكثر للغير درن ثداياي .. تاليها للكصاب ودتني دنياي... ادري كوله تراب
    ماهمني الكصاب العلك جلاي .. همني الصديق الكال عييرلي من هاي .
    --------
    انت الحرست البيت وانته التبوكه.. اتحطلي سم بكلاص وتكلي ضوكه..
    ---------
    اشكر شهر عاشور سوالي موده ..لبس حبيب الروح دشداشه سوده .
    ------
    اهلا وسهلا بيك بالكلب كلنه .. ننصب عدواه وياك كدام اهلنه
    ------
    شمالك يبعد الروح لونك تغيير ؟؟ ذني خواتي هواي طب وتخيير.
    من بعد ذاك الطول شلي بخواتج .. بلكي الزمن يندار واخذ بناتج
    ----
    هاك ابره هاك الخيط خويه ارد اكلفك .. امسرد الدلال شله عله عرفك .. شد قديم الدلال خخخ
    -----
    ها حمد ها يحمود طيحو عله ناري ... اخاف انغدر وموت اخذولي ثاري
    -----
    خرسه التدك بالباب عميه التفك بيه ... ومكرم البلبيت وشلون اطب ليه
    ----
    عكرب تريد تصير تلدغني وتروح ؟... حسبالي خوش وليد سلمتك الروح
    -----
    فاله ام سبع شاخات خشنه وجديدة ... حطها بدليلي وكال انطي الحديده
    ---
    بين الجرف والماي بطه وصدتني .. تكسر جناحي ليش يلما ردتني
    ---
    بين الجرف والماي حنطة زرعوني .. لا كالو الله وياك لا ودعوني .
    ----
    يا حيه يم راسين طبي بجدرهم .. سميلي كل البيت بس خلي ابنهم ..هع
    ---
    افرح و شفت وجهك وسر بيه
    وحبك بالكلب ثابت وسر بيه
    شما طال الدرب امشي وسر بيه
    واجيب الروح لعيونك هديه
    ----
    اريد انصب عزا لروحي وقيمه
    على الماضل بخت عدهم وقيمه
    كلها تغمس بعنبر وقيمه
    وانه راس البصل حسره عليه
    ----
    هذا الحلو كابلنه وسنه
    زغير اخمطعش عمرة وسنه
    للاهله شكد جبت شيعه وسنه
    يكول اله المسيحي يمر عليه
    ----

    منقول
  2. بواسطة مرتجى العامري

    الله الله
    عشت
  3. بواسطة ضياء الصافي

    عاشت ايامك حبي
    شكراً
  4. بواسطة Abbas Al-iraqi

    جميل وروووووووووعه عشت ورد
  5. بواسطة ضياء الصافي

    عاشت ايامك حبيبي
  6. بواسطة شـ,ـهـ,ـد

    رووعة في الانتقاء
    عاشت الايادي