منتديات نبع الفرات

تمت ارشفة منتديات نبع الفرات

المشاركات من الموضوع انت منين ؟؟؟ قصيده لزوار الحسين عليه السلام !!!! تحدي

  1. بواسطة بهلول الرشيد

    انت منين ؟؟؟

    حسبالك نخاف ومانروح انزور
    توكف بالدرب وكلابك اتهدهن
    جماعية المقابر نصها للزوار
    مو انت التردهن ذاك ماردهن
    علي صاير مجاهد لحيتك شبرين
    وثياب الغجر للركبة لابسهن
    سفارة بكل بلد مبنية لسرائيل
    اذا انت مجاهد روح فجرهن
    تقطع راس شيعي وتدعي الاسلام
    وبراسك جنان اتريد تدخلهن
    عبادة حجارة الشيعة ليش اتقول
    لان عقلك حجارة ودني يعقلهن
    دكلي انت شمالك من الترب مغثوث
    جاي اسجد عليهن ماسجدت الهن
    مثل ماحضرتك تسجد على السجاد
    شو محد يقلك ليش تعبدهن
    قصدنا المحتوى مو بالضريح انبوس
    ولا تعني المعادن النا بوستهن
    بس ندري بعلي واقف ورى الشباك
    واندني الشفايف حتى يختمهن
    ينعرفن لأن مادام مختومات
    الله يحرم على النار شويتهن
    وقلك على الولاية وعصمت اهل البيت
    انت بيا شريعة تريد تنكرهن
    ولايتهم جنح وأعمالنا احنا طيور
    اذا نقطع جنح ياهو يرفعهن
    ماتصعد صلاته الينكر الكرار
    لأن طرق السما بس علي يندلهن
    على الرد الشمس أكبر جسم بالكون
    بس جفوف سائل يعجز يردهن
    علي لبس الخادم ثوب اجد من ثوب
    وثيابه السمل للموت لابسهن
    علي ولولا علي كلهن يحلهن كان
    وعلى اللي مايحلهن حيدر يحلهن
    نعم من موسى اكرم انت يالكرار
    وحق وادي طوى والقله اخلعهن
    لو موسى النبي داخل طوى ابنعليك
    كان رب العرش قله ابقى لابسهن
    خيبر يفتهم ما عاندك على الباب
    بس يعاندك حيطانه تشلعهن
    اسرع منطلق بالدنيا هوالضوء
    وانت النور حيدر يعني اسرعهن
    ليش التقص راسه عيونه مفتوحات
    مايلحق عليك اشلون يطبقهن
    لذلك بالحرب يتلمسون الروس
    من تخطف عليهن خاف قاطعهن
    والبطران اجاني يقلي ليش اتزور
    ومن يقول القبور اتفيد زايرهن
    والك شوف القبب مابيها لذق اتراب
    جبرائيل ينزل بيده يمسحهن
    لو مسلم صدق اتناقش انا وياك
    بس اصلا حرام افكارك اسمعهن
    عصت موسى آية وتخدم الأغنام
    لأن ربنا الغنم على العِصا فضلهن
    وافضل من محمد عندك العصاة
    تفاهاتك هذول اشلون اناقشهن
    معروفة المذاهب سنة شيعة اخوان
    انت منين لا منهم ولا منهن
    تضل الخمس الاصول الرابع الكرار
    وتبقى السبع الكبائر وانت ثامنهن
    منقول
  2. بواسطة العراقي راقي

    [صورة]
  3. بواسطة حسان الحلو

    روعــــة خييو واصل ابداعاتك الرائعة


    نرد على موضووعك بقصيده للزوار او لا ههه
  4. بواسطة بهلول الرشيد

    شكرا لحضوركم هنا
  5. بواسطة حسان الحلو

    هذي قصيدتي عمو اذا ماتقبلها بيها حذفها :t4409::t4409:
    هسه انا كاتبها
    *************
    ولبينه صرخة الاربعين شيباً وفتيه وشبابا_ وبإبطال غيارى عراق تجتث كفار داعش واغرابا _وونذيقهم مراره هزائمنا ونفنى حواضنا واذنابا_نقبل ارضا طاهره ورد العدا شيمتنا لخطابا -ونبكي عدوا ونمطره قسوه وقتل ونار وعذاباً _نورا لمن يهتدي ونار لمن يقترب ارضنا او يدنوو اقترابا _دعاه سلما ولحمل السيف حقا مبداء واستحقاقاً _لانهاب الموت ونرتدى اكفان الشهاده ثيابا
    ****8888
    اتمنى تعجبك اذا ماقبلتها احذفها
  6. بواسطة Rain

    وافضل من محمد عندك العصاة
    تفاهاتك هذول اشلون اناقشهن
    معروفة المذاهب سنة شيعة اخوان
    انت منين لا منهم ولا منهن
    تضل الخمس الاصول الرابع الكرار
    وتبقى السبع الكبائر وانت ثامنهن

    مبدع عمو ابو زهراء عاشت ايدك
    ربي يحفظ زوار الحسين عليه السلام بحق الحسين
    ويحقق كل امنياتهم ويحفظ العراق واهله من كل سوء:t4409:
  7. بواسطة بهلول الرشيد

    ذائقه حلوه كشخص حسان
    تحياتي