منتديات نبع الفرات

تمت ارشفة منتديات نبع الفرات

المشاركات من الموضوع حوار بين بنت الريف وبنت المدينة

  1. بواسطة بهلول الرشيد

    5931
    حوار بين بنت الريف وبنت المدينة

    اهلا وسهلا بيج يمسيره للريف ..
    ابهذا السلف كل بيت يتباه بالضيف

    بنت المدينة ... عدكم بهذا الريف حلوهالطبيعة
    والنهر والاشجار صوره بديعه

    بنت الريف…
    كلشي حلو بالريف حتى المحبة..
    انعيش بمودة وخير والعشره طيبه

    بنت المدينة......
    ... بنت المدينة مابين العطور
    وباحدث الازياء وبعالي القصور

    بنت الريف .. احنه عطرنه الهيل وباللبس راضين
    وشوفي اشحلاة الدار وسط البساتين

    بنت المدينة… عدنه الاكل وجبات كل وجبة من لون
    وكل واحد من البيت كدامه ماعون

    بنت الريف… يتصدر امن الريف اكل المدينة
    وعدنه لذيذ الزاد من زرع ادينه

    بنت المدينة.. . هاليوم ازور الريف بأحلى الفساتين
    وانتن ولو حلوات لكن مساكين

    بنت الريف.....
    .... ياخيه والعباس ابعز وهنه انعيش
    وعدنه الكلوب انظاف مثل الدشاديش

    بنت المدينة......
    . بنت المدينه اهواي تهوى المظاهر
    وتطلب العنده المال بنت الاكابر

    بنت الريف .. خيه احنه نهوى الزين واليستر الحال
    والوفه ابهذا اليوم ماينشره ابمال