منتديات نبع الفرات

تمت ارشفة منتديات نبع الفرات

المشاركات من الموضوع صفن نظم القصائد والشعر مكَيول

  1. بواسطة ABaSs AL iRaQi

    صفن نظم القصائد والشعر مكَيول
    وهنيالة العرف يتفنن بوصفك
    لا ماشفت غيري بحبك المجتول
    ولامرة نسيت اشكد احبك
    يا زهرة بنفسج ياريحة النعناع
    يا ضوة الكمرة اليشع من نور خدك
    أهدمت حيلي الليالي بحبك المعسول
    وجماله احترت من يا صفحة أشمك
    من فدوه الحلاتك يا شتل شمام
    تكلي شلون طلكت بيك أمك
    وعيون ألخلك ماترحم المزيون
    يخوفني الحسد وأزهك وأضمك
    وشوف الناس تحجي ألوان وأشكال
    ولامره سمعته برده اسمك
    تعلمت الشعر ونظم القوافي بساع
    وعلمني ألحجي بس هدب رمشك
    يالصدرك حنين وتحمل الطيبات
    والكلب الجبير ألكيته بس عندك
    صفن نظم القصائد والشعر مكيول
    وهنيالة العرف يتفنن بوصفك

    الشاعر
    فيصل ألخالدي
  2. بواسطة Hazim M

    قصيده جميله
    شكرا عباس