منتديات نبع الفرات

تمت ارشفة منتديات نبع الفرات

المشاركات من الموضوع سوالف عراقيه شعبيه العدد الأول

  1. بواسطة بهلول الرشيد

    [صورة]

    [صورة]


    طابت اوقاتكم سعادة وخير احبتي
    هاي سالفه ان شاء الله تعجبكم
    كان هناك فتاة تحب شاب وكلما يتقدم ليخطبها رفظوا اهل الفتاه حتى ارغموها على الزواج من غيره فبقيت تبكي على حبيبها وكان زوجها يضربها عندما تبكي فتمنت الفتاة ان يموت احد اقاربها لكي تبجي بحجته على حبيبها
    فقالت هذا البيت

    ياعيني زيدي بجاج غرب وليفي
    مامن عزيز يموت وابجي اعله كيفي
    [صورة]
  2. بواسطة العراقي راقي

    [صورة]
  3. بواسطة مرتجى العامري

    الله الله
    انتقاء رائع وجميل كالعادة ابو زهراء
    شكرا ع الطرح
  4. بواسطة بهلول الرشيد

    هناك شاب تزوجت حبيته من غيره فنصدم صدمه شديده وبعد ايام من زواجها لم يتحمل واتصل بزوج حبيبته
    فقال الزوج.. تفضل من معي
    قال له الشاب
    مبروك اخذت المو الك
    ..صارت قسمتك والبعد
    ماشوف وجهي بكل كتر .
    .مو انته اخذت مرايتي
    هم تقبل اخذ شي الك
    وتحبه حيل من الزغر
    جا ليش تاخذ مالتي
    داريهه احلفك بالگمر
    لا تخاف من جهة الستر
    اعشكه ماي تصير الك
    اعرفهه بنت اولايتي
    تنفذ كلامك بالحرف
    جربهه قبلك ونتجه
    لساني وبعد لا ماتعب
    جانت تنفذ حجايتي
    انطيك نقطات الضعف
    لو زعلته ودم بجت
    تراضيهه بسّهل مايكون
    حلفه بس بداعتي
  5. بواسطة شـ,ـهـ,ـد

    ااكو فد شخص ينتظر بنية تروح تجيب مي من الجدول..يومية..وبهذا اليوم قرر يحاجيهة...وكال..

    حني يبنت الناس مرة اعلة حالي***صدكيني انة اهواج وانتي بخيالي

    ردت عليه..وكالت..

    لاحن ولا اهواك ماعرفك انة***لاتحجي بعد وياي كافي ميانة
    .... موضوع رائع عمو :rose:
  6. بواسطة محبوب القلوب

    أفتتاح موفق

    شكراً لك أستاذ عبد

    [صورة]
  7. بواسطة ضياء الصافي

    موضوع رائع وجميل
    يستحق التثبيت
  8. بواسطة محبوب القلوب

    أحبك حب ما ينوصف و صفة

    على رغم البعد تيهت و صفة

    عليمن يكتب الدكتور و صفة

    إذا بوسة من الشفايف صيدلية
  9. بواسطة شـ,ـهـ,ـد

    احد الشباب كان يحب ابنه عمه منذ ان كانوا صغارآ في الابتدائيه فوعده عمه ان يعطيها له فعندما كبروا رفض عمه ذلك الامر واعطاها لغيره ففي يوم خطوبتها ذهب لعمه وقال
    ---------------
    نحب احنه بعضنه من حبينا
    واجت بلحب يحاقد منحه بينا
    تسأل من عشكنا من حبينا
    ------------
    حبينا البعض ما يوم خنه
    وحبنه لا ابد مابي خنه
    يلحاسد عشكنه شبيك خنه
    ------------
    نريد احنه الوصل منريد غيره
    وطبعك بلحقد وياي غيره
    اذا عندك شرف احساس غيره
    -----------
    خليني بهواه اليوم لحضه
    وتهدم حيلي خاب شبيك لحضه
    اذا جانت علينه هواي لحضه
    اقبل بالاجزاء نكعد سويه
  10. بواسطة بهلول الرشيد

    شكرا جزيلا استاذ محبوب عالتعديل والاضافات
    كل الشكر والتقدير لجنابكم الكريم
  11. بواسطة بهلول الرشيد

    ﻗﺼﻪ ﺷﺎﺏ ﻓﻲ ﺍﻟﺠﻴﺶ ﺍﻟﻌﺮﺍﻗﻲ،، ﻓﻜﺎﻥ ﻫﺬﺍ ﺍﻟﺸﺎﺏ ﻻﻳﺮﺉ محبوبته الى في اجازته ﺑﻌﺪ ﻣﺮﻭﺭﻋﺸﺮﻳﻦ ﻳﻮﻡ ﺍﻭ ﺍﻛﺜﺮ ﻓﻜﺎﻥ ﺷﺨﺺ ﻗﺪ (ﻃﻠﺐ ﻳﺪ محبوبته ﻟﻠﺰﻭﺍﺝ ) ﻣﻨﺬ ﺍﺟﻞ ﻟﻴﺲ ﺑﺒﻌﻴﺪ ﻓﺘﺎﺧﺮﻓﻲ ﺍﺟﺎﺯﺗﻪ ﺍﻟﺪﻭﺭﻳﻪ ﻭﻋﻨﺪﻣﺎ ﻋﺎﺩ ﺍﻟﺊ ﻣﻨﺰﻝ ﻭﻗﺎﺑﻞ ﺍﻫﻠﻪ ﻭﺳﻠﻢ ﺭﺍﺉ ﺳﻤﺎﺕ ﺍﻟﺤﺰﻥ ﻓﻲ ﻭﺟﻮﻫﻬﻢ ﻓﻘﺎﻝ ﻟﻬﻢ ﻣﺎﺫﺍ ﺣﺼﻞ ﻟﻜﻢ ﻭﻣﺎﻫﺬﺍ ﺍﻟﺤﺰﻥ ﻓﻲ ﻭﺟﻮﻫﻜﻢ ﻓﻠﻢ ﻳﺠﻴﺒﻪ ﺍﺣﺪﻓﺴﺎﻟﻬﻢ ﻣﺮﻩ ﺍﺧﺮﺉ ﻓﺎﺟﺎﺑﺘﻪ ﺍﺧﺘﻪ ﻗﺎﺋﻠﻪ ﺍﻥ(ﻓﻼﻧﻪ( ﺧﻄﻴﺒﺘﻪ ((ﺍﻟﻴﻮﻡ ﺳﻮﻑ ﺗﺰﻑ ﺍﻟﺊ ﺷﺨﺺ ﺍﺧﺮﻓﻌﺮﻑ ﺳﺒﺐ ﺣﺰﻧﻬﻢ ﻭﺧﺮﺝ ﺫﺍﻫﺒﺎ ﺍﻟﺊ ﺣﻔﻠﻪ ﺯﻓﺎﻓﻬﺎ ﻭﺩﺧﻞ ﻋﻠﻴﻬﻢ ﻓﻮﻗﻒ ﻭﻧﻈﺮﺕ ﻫﻲ ﻭﺯﻭﺟﻬﺎ ﺍﻟﺠﺪﻳﺪ ﺑﺪﻫﺸﻪ ﻭﺍﺳﺘﻐﺮﺍﺏ ﻓﻘﺎﻝ ﻟﻬﻢ ** ** .-
    ﺗﺮﻩ ﺍﻟﻌﻴﻦ ﺍﻟﺘﺴﺎﻭﻡ ﻋﻠﺸﺮﻑ ﺻﻠﻔﻪ
    ﻭﺍﻟﻜﻠﺐ ﺍﻟﻲ ﻳﻨﺠﺮﺡ ﻣﺎﭼــنه ﻳﺸﻔﻪ
    ﻣﺒﺮﻭﻙ ﻭﺍﻟﻒ ﻣﺒﺮﻭﻙ ﻳﻠﻤﺤﺒﻮﺑﻪ ﻫﻞ ﺯﻓﻪ
    ﺧﻞ ﻳﻨﻌﻢ ﺍﻟﻤﺎﺷﺎﻑ ﻻﺻﻌﺒﻪ ﻭﻻﻛﻠﻔﻪ
    ﻭﻻﺿﺮﺑﺔ ﺷﻤﻮﺱ ﺍﻟﺼﻴﻒ ﻭﻻﻣﻞ ﺍﻟﺠﺪﻡ ﻭﻛﻔﻪ ..ﺷﺘﻌﺬﺭﻳﻦ ﺷﺪﻛﻮﻟﻴﻦ ﺯﻭﺍﺝ ﻭﺻﺎﺭ ﺑﻠﺼﺪﻓﻪ
    ﺍﺫ ﺍﺫﺏ ﺍﻟﺼﻮﺝ ﺑﺎﻫﻠﺞ ﺗﻄﻠﻌﻴﻠﻲ ﺑﺎﻟﻒ ﺣﺮﻓﻪ
    ﻟﻮﻫﻮ ﺣﻠﻮ ﻭﻣﻬﻴﻮﺏ ﻭﺑﺎﮔ ﺍﻛﻠﻴﺒﺞ ﺑﻌﻄﻔﻪ
    ﻭﻟﻮ ﻫﻮ ﻭﺭﺩ ﺟﻮﺭﻱ ﻭﺍﻧﺎ ﺍﻟﺸﻮﻙ ﻭﺍﻟﺤﻠﻔﻪ
    ﻳﺒﺤﺮ ﺍﻟﻲ ﺗﺒﺮﺉ ﺑﺴﺎﻉ ﻣﻦ ﻣﺎﻳﺔ ﻭﻣﻦ ﻣﻠﺤﺔ
    ﻭﻳﻨﺨﻠﻪ ﺍﻟﻤﺘﺤﻤﻞ ﺍﻋﺜﻮﻙ ﺑﺲ ﺍﻟﺠذع ﻭﺍﻟﺴﻌﻔﻪ
    [صورة]
  12. بواسطة بهلول الرشيد

    شلونكم يخوتي هاي سالفة من سوالف كبل ان شاء الله تعجبكم
    جانت اكو ابنيه اتحب شاب ولكن كالعاده مازوجوهه الها اله وارغموها على الزواج من غيره ف ازوجت البنيه وصار عدهه ثلاث اطفال وجانت تصيح لأولادهه كلهم باسم حبيبهه فحس زوجهه انو هي جانت تحب واحد وماناسيته
    ف منعها من تصيحلهم باسم حبيبهه.... فكااااالت

    حرمو حتى الصوت باسمك فلا صيح
    ودموعي فوك العين بس ارمش اطيح
    وكااالت
    مانكدر انسميك اسمك شده بال
    نتونس بطاريه بحلوك الجهال
    وكالت بيتهه الاخير
    البيدي ول عالكاع ول عله امتوني
    ماجوز انه من اهواي لو كطعوني
    [صورة]
  13. بواسطة بهلول الرشيد

    كل الحب والتقدير لكم اصدقائي
    هذا اكو واحد حبله وحده وما انطوهه اله ... فسمع بأمهه تريد تنطيهه لواحد متكمن ( عند فلوس ) فكال
    خل امها ما تنطيش خلني بسريري
    شيلونــي من يشيل برگعها غيري

    رد الحبيبه
    مو بركع بتابوت زفوني للبيت
    الحنه جن كافور بيها التحنيت
    [صورة]
  14. بواسطة بهلول الرشيد

    شلونهم الاعزاز
    هاي اكو ابنيه اتحب الفلاح مالتهم ف هي كاعد تخبز وهو اجه من بعيد رادت اشوفه بس اجه اخوهه يمهه وكف اكبالها ف بعد ماتكدر اشوفه وتلتفت وتباوع عليه ف كالت
    يادجت التنور ريتج مشوفه
    زيارة علي برمضان ولفي من اشوفه
    [صورة]
  15. بواسطة بهلول الرشيد

    طابت اوقاتكم سعادة وترافه اصدقائي هاي اكو اثنين ماخذين عهد ما يزوجون الشاب موزينه اموره سافر للمدينة يشتغل الله فظل علي ورزقه وصارت اموره زينه فتح محل تجاره ف ازوج وصار عده اطفال وما وفه بالعهد وهي بقت منتضرته فأجاه طارش من الريف للمدينة كاله ياابه هاي وين انت افلانه لسه امتانيتك كاللهم كلولهه

    سلمولي ع الماخان كلوله خانك
    حتى الشمس تندار وانت بمجانك



    [صورة]
  16. بواسطة بهلول الرشيد

    شلونكم ي اعزاز كلبي
    هذا اكو واحد جان يحبله وحده وماصارت القسمه وزوجت البنيه وره فتره راد يشوفهه واعدهه ف جانت الاشارة انو هي تطحن بالليل فهذا اجه يم الصريفه من بره شاف عمتهه نايمه يمهه ف هي ماكدرت تطلع كالتلهه
    نومتهه نومت ذيب روح لهلك روح
    امسكمه ابولاذ كطوه منهد نوح
    [صورة]
  17. بواسطة بهلول الرشيد

    طابت اوقاتكم سعادة وخير احبتي
    هذا اكو واحد خربان هو وزوجته كلش زعلانيين يعني مثل مايكولون واصله للاخير اجه الزلمه دك الباب مال بيتهم محد يفتحه
    كال...
    نص ساعة ادك الباب ماتفتحونه
    هجي العزيز يصير من تكرهونه

    فهي ردت عليه امريته كالت

    اسمع تدك الباب مابيه ارد ها
    ملتهيه اخيط جروح كلبي وجوايا
    [صورة]
  18. بواسطة بهلول الرشيد

    هاي سالفة امعدله
    في يوم من الايام احد الشعراء جان اعمه مايشوف ف راح دخل الى دائرة حكومية هو وابن اخوه كايده من ايده دخل ابن اخوه وبعدهه سمع صوت ابنيه عجبه الصوت لان جان الصوت حلو من طلع سأل ابن اخوه كال جاسم هاي البنيه حلوه كاله جاسم ياحلوه تخبل والعيون زرك والشعر اسود كاله رجعني عليه وكف يمهه وكال
    هم شعر مثل الليل هم زرك العيون
    انا استلك موتاي جا جاسم شلون ..


    [صورة]
  19. بواسطة بهلول الرشيد

    من قصص الابوذيه الجنوبيه !!!
    لايأتي بيت شعري اعتباطا او من فراع وانما يرتبط بقصه واقعيه ولها مساس بحياة الشاعر او مؤلف البيت الابوذيه وكلمة الابوذيه اتت من اذى الشخص ...هذه القصه تدور بين حبيبين عاشا المر من ذلك الحب العفيف وليس حب هذا الزمان !!! كان هنالك رجل يسكن ضواحي سوق الشيوخ التابع لمحافظة ذي قار وتسمى سابقا لواء الناصريه .هذا الرجل كان ثري وخلفته من النسل بنت واحده والبنت الوحيده لهذا الرجل لاتمتلك اي قرار لان الطابع الاجتماعي يحتم على تلك الفتاة الانصياع لما يمليه الاب وليس لها كلمه مع الابوين ...كبرت الفتاة وصارت محط اعجاب الشباب وحالها كحال بناة الحي فوقع بصرها على شاب يسمى شال !!! سابقا لايوجد اتصال بين العشيقين الا ماندر وهو عن طريق جلب الماء او جلب الحطب وبعيدا عن انضار الناس ولاأحد يعرف بأن هنالك صله بين الغريمين !!! الاب ومن حرصه على بنته الوريثه والوحيده اراد زواجها من ابن اخيه وفعلا تمت الخطوبه والزواج من ابن العم ... شال حينما سمع بزواج عشيقته هام من مكانه واتجه الى قرية نائيه بعيده عن اهله ومسكنه ومامرت الا ايام على هذا الزواج وتجمع الاصدقاء في بيت العريس فصاح العريس لزوجته اعملي الشاي للضيوف ..قامت وهي على غير حالها وتفكر بعشيقها شال فعملت الشاي وحملته لزوجها وقبل ان يمسكه وقع الشاي من بين يديها فقالت يا شال !!! اندهش العريس واستغرب الحاله لكنه اسر الكلام بصدره حتى فرغ من الضيوف !!! قام يسأل عن شال اين شال ولماذا لم يأتي شال ؟؟ وهو على هذا الحال دون ان يقترب لزوجته .لكنه في اليوم الثاني ركب جواده وأخذ متاعه الذي يكفيه للسفر وتقلد سيفه وقال لاهله غدا اسافر الى احد اصدقائي واعتقد يطول سفري سبعة ايام او اكثر ...لكنه غير هذا وكل مايهمه يريد شال !!! فقام يسأل بين القبائل والعشائر الا ان وصل الى شال فسلم عليه وصافحه وقال شال !! عندي بيت ابو ذيه اذا عرفته فأنت الناجي من سيفي والا سأقطع رأسأك وأرجع الى اهلي فقال الشطرين من البيت الابوذيه
    سرى ضعن الاحبه بليل ياشال
    وغده عطاب مني الكلب ياشال
    .....توقف وقال اكمل البيت وفعلا شال بين الحياة والموت وبين ايادي الفارس والسيف رد قائلا !!
    حبيبي شوكع منه وكال ياشال
    طلع صاحب وفه وماخان بيه
    .........................
    قال له العريس ... اسمع شال زوجتي طالق بالثلاث وهي لك ولابد ان ترجع معي وانا سوف من يقوم بتجهيزكم ..وفعلا رجعا الاثنان لكن شال قال جتك اختي هديه ماوراها جزيه فصار الاثنان كالاخوان بعد زواجهما وانتهت قصة شال

    [صورة]
  20. بواسطة بهلول الرشيد

    سالفه عتيجه كلش !!!
    السالفه تقول يااحبتي كان ياماكان في قديم الزمان هنالك امرأه تعيل بأيتام لاناصر لها ولامعين سوى رحمة الباري عزوجل والتي وسعت رحمته كل شيء هذه المرأه كانت تجرد القصب وتبيعه على اهل الخير والمعارف وتقتات به هي واولادها اليتامى شاءت الاقدار ويجف الهور ويخلو من الماء وتموت النباتات وتبقى هذه المرأه في حيره من امرها !!! لاتستطيع ان تمد يدها ....ولاتستطيع ان تقذف بنفسها في الرذيله اجلكم الله وهي حرمه بين السلف حتى وصلت بها الامور الى حاله ميئوسه من الحياة !!! اطفالها الصغار يتلون من الجوع وكلما تنظر اليهم شعلت النار وأركبت قدها وهو خالي ماعدى المياه في داخله وكلما قالوا لها اولادها اماه اين الطعام ! تجيبهم هو على النار ولدي ......فيأخذهم النعاس فينامون جوعا ....واعتادت على هذه الحاله حتى فرجها الله بوجه الشريفه ....فقالت هذا الدارمي
    حرمه ولاني العوز ومرجبه بس ماي
    واطبخ جذب بس كون تسكت يتاماي


    [صورة]
  21. بواسطة محبوب القلوب

    أسمعوا سالفة خالكم

    محبوب القلوب

    أكو واحد يحب وحدة في قديم الزمان و هي هم تحبه

    فراح يخطبهه من قبيلتهه

    فأبن عمهه نهى عليها

    فتمرض الولد و البنيه هم تمرضت

    فراحت أم الولد حتى تشكي لأهل البنيه ماجرى على والدهه

    فعندما و صلت الى أسوار البيت صاحت بأعلى صوتها

    أنتم بيت فلانه و فلانه بتكم ؟؟

    أبني طريح فراش يطلب بختكم !!

    فردت عليها أم البنت

    مو أبنج طريح فراش بتنة الطريحة

    تتلاوة ويه الموت وما مستريحة

    يعني كان الحب صادق أيام زمان ؟؟؟

    و الله عالم بنوايانا
  22. بواسطة محبوب القلوب

    أكو واحد حبلة بيه

    فراح الهه للبيت أعطته زاد

    و قالت له

    هاك أخذ نص الروح و بقيلي بس نص

    حتى من أغص بالزاد من يمك أتغص
  23. بواسطة محبوب القلوب

    يايمة شيلي الزاد بالهم تعشيت

    جابولي طاري أهواي بالزبد غصيت
  24. بواسطة بهلول الرشيد

    كان هناك في احد القرى بنت جميلة جدا واخلاقها عاليه لكن المشكله كل ما يتقدم شخص لخطبتها يقابل بالرفض الشديد من والديها حتى بلغت سن متقدم من العمر لكنها لم تفقد شي من جمالها وكان احد الشباب الصغار معجب بها ويراقبها عن بعد على عادته متكئا على ذالك الجدار الذي يقابل بيتهم في الصباح و المساء وبقى على هذه الحالة لاكثر من سنه فلفت نظرها كثيرا حتى اسمعته ذات يوم دارمي من خلف الجدار الدارمي يكول
    يل منتجي اعله الطوف خاله انت ابن من
    امي وابوي يهود تكسر كلب من
    [صورة]
  25. بواسطة بهلول الرشيد

    ااكو شخص ينتظر بنية تروح تجيب مي من الجدول..يومية..وبهذا اليوم قرر يحاجيهة...وكال.. حني يبنت الناس مرة اعلة حالي***صدكيني آنة اهواج وانتي بخيالي

    ردت عليه..وكالت.. لاحن ولا اهواك ماعرفك آنة***لاتحجي بعد وياي كافي ميانة

    رجع المغرم وكال.. ما اكدر آنة انساج صرتي انتي روحي***وبلمسة ايدج هاي تذبل جروحي

    جاوبتة البنية بهذا الرد.. امشي يخوية وروح والعن ابليسك***مو سلعة آنة وجاي ياخذني جيسك

    جاوبهة المغرم.. مو سلعة انتي ادريج انتي حياتي***واتمنة يمج كون يحصل مماتي

    كررت البنية كلمة خوية وجاوبت.. كافي يخوية وروح وابتعد عني***تلكة بنات هواي حتى احلة مني

    كال المغرم.. من بين كل الناس كلبي يريدج***وسلمت هاي الروح ياحلوة بيدج

    بدت تمل كلامة البنية وردت.. أيس يخوية وروح لاتاذي كلبك***ماريدك وماريد ياخذني حبك

    رجع صاحبنة المغرم..وجاوب.. هيجي يبنت الناس صعبتي امري***دمرتي حلم الروح ضيعتي عمري

    ضاجت البنية كلش وجاوبت بعصبية.. ماريدك وماريد كربك الية***آخر كلامي وياك حبتك حية!!! رجع المغرم بعد الصدمة...وكال.. اقبل كلامج هاذ بس ما اعوفج***يومية اجيج هنا ويومية اشوفج...!!!!

    [صورة]
  26. بواسطة بهلول الرشيد

    صباحكم ك بياض قلوبكم احبتي وجمعة مباركة عليكم اترككم بالاستمتاع مع هذه القصه وحوار رائع بالدارمي .
    اكوفد واحد حب بنيه وصارحهة وهي لاقبلت ولارفضت وبقه ينتظر
    وقرر يخطبهه فرفضته وكالتله انته اكبر مني وماتليق بي
    وفاتك قطار الشوك والحب فصُعِق واخذ يرتعش من راسه الى قدمه ورد عليها قائلا؟؟؟؟؟ من صغرسنج حيف حبيتج انه
    وتحملت اهات لجـــــلج واهانه

    ردت عليه
    عشت انته بالاوهام حسبالك اهواك
    بيك انه ماهم دوم وتحاشــه ملكاك
    فرد عليها
    حسبالي اتوافين لمــــــن تكبرين
    ماادري تالي اصباج بيه تغدرين
    فردت عليه
    جيلك قديم اهــــواي مايفتهــم شي
    وهسه انه جيل البيه عالمـوده يمشي
    رد عليها
    آياحسافه اصباي ضيعته برجاج
    حسبالي اتكبرين واتراهـم اوياج
    فردت عليه
    ضل عايش ابأوهام ماترهم اوياي
    طفله انه ونته اجبير غمك لهل راي
    وبعد مده من الزمن رآها وهي في بدلة الزفاف
    فاقبل اليها يهنأها فقال لها
    مبارك والف عالخيرهالليله عرسج
    ياريته هذا الجيل يكــــدر يونسج
    فقالت له
    مرتاحه انه اوياه وهيألي كلشي
    من رخصتك يفلان خلينه نمشي
    فرد عليها
    مبارك والله اوياج بس اذكريني
    للموت ابد منساج لوتعمه عيني
    وبعد مده من الزمن رآها وهي وحدها
    فاقبل نحوها فرأته وقالت
    منهو انته شنهو اتريد مجبل عليه
    ياحجي انته غريب وانـــه اجنبيه
    فقال لها
    وسفه والف ياحيف ضيعتي عرفج
    وج انه ذاك افلان شيبنــــــي حبج
    فردت عليه
    عافاني البذات مــــــن كثرمالـــه
    اتفاركَنه من اسنين كلمن ابحاله
    فرد عليها
    موجنتي تتمنين عالموده تمشين
    هاي النتيجه وهاي حوبات الاسنين






    [صورة]
  27. بواسطة عبير الورد

    [صورة]
  28. بواسطة بهلول الرشيد

    منين ربك خالقك مو راح اموت
    يالبحسنك داخت الجن والانس
    وجه الله انطاك كاتبلك عليه
    فقط بس للشوف ممنوع اللمس
    انت من جابتك امك شي اكيد
    الله ودة وياك باكيت اكلنس
    بيك شتنست ولك امك دكول
    خدود عندك عسل وشفافك دبس
    من تسولف صوت مايطلع عجيب
    صوت ماعندك وكلماتك همس
    انت بجويريد اذا تطلع تموع
    چا دكلي اشلون لو شفت الشمس
    انت حتى البگه لو حطت عليك
    ماتگرصك تستحي تلحسك لحس





    [صورة]
  29. بواسطة بهلول الرشيد

    قصة واقعية ايضا من قصص الدارمي
    عندما توفيت والدته الشاعر الكبير راهي سعيد ال ناطور حدث بكاء وصياح كما يحدث لكل من يموت لكن عندما شالو الجنازة (التابوت) في هذا الوقت
    اكو شاعر دحج راهي ال ناطور بيت دارمي...
    . كاله
    الشالته وشبعت ظيم وانهد متنهه
    من شالو التابوت اشكال ابنهه

    ف جاوبه راهي سعيد ال ناطور
    كاله.. .. من شالو التابوت چن السلف شال
    ابجي بدمع زعطوط ماجني رجال

    [صورة]
  30. بواسطة بهلول الرشيد

    مساءكم جميل ك جمال هذه السالفه
    وليلة عيد راس السنه 2016
    يقال اكو واحد كان يحب بنت عمة لكنهم بعيدين عنهم. فقرر ان يزورهم. فوصل الهم المغرب وكان هوة مصخن فنام بالمضيف. وبداء يرجف من كد الصخونة..فبقت بنت عمة كاعدة الليل كلة ولا أن صار الصبح وكبل لا تسير العالم عل المضيف اجتة ورفعت الغطا منة وكالت هذا الدارمي...
    اشلونة عن كل يوم مصباحك اليوم
    ليل التعدة وفات هم شفت بية نوم
    فهو أبتسم وجاوبها....
    احسن صباح الكيت وبعمري بس هاي
    شلت الغطة وفزيت لن عيني بهواي

    [صورة]
  31. بواسطة بهلول الرشيد

    السلام وعليكم. ......طاب مسائكم بكل ود احبتي
    كان هناك شاعر عزيز النفس اشتد به الفقر وكان يجلس مع أصدقائه الشعراء يتحدثون عن الدنيا ومصاعب الزمن ليستنشقون عبير الشعر...... فقالوا أصدقائه الشعراء ابيات له..........
    فلنرى ما قال الاول..
    خل روحك بعز دوم بالك تمد ايد..
    ولاتطلب الحاجات الا من اجاويد.. فقال الثاني..
    خل روحك بعز دوم بالك تخف بيك..
    حتى اليكلك هاك كلة انه اطيك.. فقال الثالث..
    خل روحك بعز دوم بالك تدك باب..
    وعيش بشرف للموت لو تلهم اتراب.. فقال الرابع.. خل روحك بعز دوم والضاكت اتهون..
    لا تدك باب الناس باب الله ماعون..تحياتي الكم جميعا





    [صورة]
  32. بواسطة Rain

    وعليكم السلام
    مااروعها عزة النفس
    شكرا عمو على المشاركه الرائعه
    لاحرمنا الله عطائك
    تحياتي
  33. بواسطة مهدي حسب

    جميل جدا
    خوش فكره
  34. بواسطة بهلول الرشيد

    طاب مسائكم خير وسعادة اصدقائي
    قصه واقعية احد الاشخاص يكول حبيت ابنيه بكل معاني الحب لكن العرف العشائري كان مانع حد القسوه كل ما اتقدمتلها كالو لا البنيه لابن عمها ومالك نصيب يمنا لاتعاود حقيقه ضلت بنفسي
    اتزوجت ابن عمها فتره اتمرض وتوفه الله يرحمه فسمعت توفه الولد /
    كلتلهم….. منفوسـه مايرتـاح بيهـا الخذاهــه
    راحت وسبع اشطوط باجي بگفاهـه
    7976
  35. بواسطة بهلول الرشيد

    شاب يبلغ م̷ـــِْن العمر 18 عام
    آحـبُ:* فتاة بنفس العمر
    حبآ حقيقيآ واتفقا علـّۓ الزواج
    وفي احد الايام اتصلت به #وقالت_له
    اني انخطبت وبعد مااكدر احجي وياك
    #فقال_لها
    صدﮘ عود انخطبتي وراح ترحين
    دكليلي الوجه وين انه اديره
    كلتي وياك اعيش شلون ماكان
    صريفه ابنيلنه ونفرش حصيره
    اتفقنا اعلى الزواج وجان بالبال
    حبج ثم. َ حبج ماكو غيره
    #فاتصلت_به_اخت_تلك_الفتاة
    #وقالت_له
    فلان وسع صدرك واسمعني زين
    فلانه والله فلانه مامخطوبه
    فلانه لازمها المرض هد الها حيل
    لو شفتها م̷ـــِْن المرض مكلوبه
    بيوم كالتلك الي جان النصيب
    وعدها جلمة حبك المهيوبه
    #فرد_عليها_قائلآ
    عيدي عيدي ماسمعتج انه زين
    فلانه لازمها المرض كتيلي
    احجيلي خليني افتهم شنهي الي صار
    احجيلي مو ونات ربيتيلي
    فلانه ماكالتي بس اطتني روح
    وروحي عدها وهل حجي يهد حيلي
    فرزنت حجيج وبس كلمه نسيت
    شنهو هذا المرض بس لمحيلي
    #فقالت_له
    فلان وكل ربك الدنيا اختبار
    ماكو واحد عاش كل عمره بهنا
    فلانه ماتنساك لا لا بل محال
    عدها لحظة فركتك شوغة سنه
    #وقالــــــــت
    خبيث المرض لازمها.. وسلها
    وبقت تسٱلني عن روحي.. وسلها
    روح فلانه حاجيها.. وسلها
    بعد يومين تلفاها المنيه
    #فرد_عليها_الشاب
    وحق حيدر وشمس •اللّـہ̣̥ ..وراها
    اجي لفلانه اشوفنها ..وراها
    اذا ماتت ترى موتي… وراها
    وكبلها كون تلفاني المنيه
    شتنطونه اذا فزنه
    8076
  36. بواسطة بهلول الرشيد

    شلونكم يغاتي
    وهم شلونكم عيني
    اترككم مع هذه القصه
    هاي اكو امرأه تروح اصير ناگوله
    مال حنطه عد الشيخ ورئيس عموم الشويلات موحان خيرالله
    ابوهه يريد ايزوجهه الواحد بالگوه وهي تحب واحد ف كالت

    اريد اشكي عد موحان شيخ الولايه
    الرجل گوه يصير لو مشتهايه

    ماكان من موحان اله ايودي على ابوهه يعرف عقوبه موحان كان متنفذ صاحب الخيزرانه ورئيس عموم الشويلات في العراق ف انطاهه لمن تحب
    8077
  37. بواسطة بهلول الرشيد

    طاب مسائكم بكل حب اصدقائي وجمعة مباركه عالجميع
    اليوم القصه مع بيت من الدارمي
    هذا اكو واحد كاعد وي صاحبه فكاله
    اكلك خويه بيت فلانه صويحبتك باجر يشيلون من السلف وانت كاعد هنا ماتدري !! كله خويه ادري وعندي طلب يمك اريد تسويه تروح للسلف واتبلغهم
    كله شكلهم
    كله :

    بلغ ســـــــــلفنه وياك خلهم يهرفون
    باجر يشــــيل هواي وابجي ويغركون
    ااااخ
  38. بواسطة بهلول الرشيد

    اكو ولد يحب بنيه وكلما يروح يخطبها اهلها ميقبلون
    فقرر ياخذ شيخ عشيرته علئ شيخ البنيه ويروحون للديوان
    طبعا من عادات وتقاليد العرب انو يضيفون الخطار لذلك خلوا الاكل و اول ماحطوا الاكل شيخ عشيرة الولد گال لشيخ عشيرة البنيه دارمي
    ............

    شرايك يبو الديوان يل همي همك
    نمشي ونعوف الزاد لو حلها يمك

    اكيد افتهم معنى الدارمي ومن عوايد الشيوخ يعتبره عيب انو ضيوفه يتركون الاكل فجاوبه بيت دارمي

    يـحـرم عـلـيـه الـزاد لـو ما احلها
    من هسه تمشي وياك وابنك رجلها

    



    [صورة]
  39. بواسطة بهلول الرشيد

    شباب هاي قصه منقوله
    قصة لكسر روتين النشر
    ابتسامه شعرية

    هذا اكو شايب بي سوله بس يصجم نسوان واي وحده تفوت يسمعهة حجي!!!؟
    بيوم من الايام راح للسيد كاله "
    مولاي اني كبرت .... ولد ولدي متزوجين واني ماتبت من هذا االطبع
    السيد گلة "
    نروح انزور للنجف وهناك تنحل
    المهم راحوا للنجف زارو ودعوا كملوا زياره
    كله السيد "
    خل نروح نتريك
    راحوا يتريكون كيمر لكه ام الكيمر ايه من الجمال الشايب باوع على السيد ورجع باوع على الامام
    وكال:
    شگد شفت وشگد عفت وروحي صفت مرجوحه
    يابالحسن بس ما شفت گيمر يبيع بروحه !
    ايكلك السيد باوع على الحظرة
    وكال
    كيمر عسل مخبوط ياابو الحسن هاي
    وكون الشويـــــــب هاذ ماجبته وياي

    9314
  40. بواسطة بهلول الرشيد

    طاب مسائكم برفقه من تحبون
    ....
    يقال أن شابه من الريف كانت تعشق شاب ولكن ظروف المجتمع لاتسمح بلقائهما وتقدم لخطبتها ولكن اهلها رفضوا بأعطائها كون ان لها ولد عم وبالتالي تزوجت من غيره وتزوج من غيرها وفي احد الايام وبعد مضي سنوات نزلت هذه المرأة الى الولايه ترافقها ابنتها وقد بلغت من العمر عشرة سنوات وعلى حين غره صادفت ذلك الرجل الذي كان يعشقها جالسا في ( ريل ) واثناء ماجلست الى جانبه
    احتكت رجلها برجل الرجل أنشدت.. ..
    ....تقول...
    .. جلد الما لمس جلدك جلد حوت

    لم يرد عليها ومضت الايام وتكبر ابنتها وتعشق هي الأخرى وحين أحست بها والدتها أخذت تضربها وتريدها أن تكف
    واذا بالبنت.. ..
    ...تقول...
    ..
    مو بس انه الحبيت گبلي ام جلد حوت
    ماجوز انه من هواي اله انهج الموت
  41. بواسطة بهلول الرشيد

    مساء الخير على جميع الاحبه
    .
    .
    (ياشاتل العودين.. خضر فرد عود)
    يقال
    أنه كان هنالك رجل أحب إمرأة ..
    و بعد قصة حب تزوجها وأنجب منها ولد غاية في الجمال.. ولكن بعد فترة من الزمن أغرته إحدى النساء الثريات وأرغمته على أن يطلق زوجته الأولى..فرضخ لأمرها ونفذ طلبها .. وتبين بعد حين إنها عقيمة
    وبمرور الزمن كبر الإبن وأصبح شاباً وسيماً.. وأراد الزواج من شابة أحبها وأحبته .. فخرجت معه والدته لشراء تجهيزات الزواج.. وعن طريق الصدفه شاهدت الأم طليقها.. فوقفت أمام محله وأشارت إلى إبنها وقالت موجهة خطابها إلى طليقها:
    ((ياشاتل العودين خضر فرد عود..
    لابالذهب ينباع ولا منه موجود ))
    فسالت دموع الأب وقال بشيء من الحزن والألم والندم وهو ينظر إلى ولده وقال:
    ((ياريحة أول عود من گلبي خضر..
    فيض نبع بالروح والثاني جزر ))
    فردت الأم:
    ((غصني التعب وياك بيدك كسرته..
    والضنه بلب حشاي عودك شتلته ))
    فاجاب الأب :
    ((غروني وإنغشيت والغلطة غلطة..
    وهوة الندم شيفيد بآخر محطة
  42. بواسطة بهلول الرشيد

    مسائكم سعيد
    هاي اكو وحده تحب واحد وتموت عليه وتفاركوا من زمان
    وعده بيهم العمر وصاروا عجايز !!! فالحجيه خطيه من حركة
    كلبه الله ايساعده كامت كل يوم تجي وتوكف عالباب وتبقه تشتم بالباب
    وترجع لبيته .....فالناس كلوله حجيه عيب انتي كبرتي وهذا الشخص
    مات من زمان ........فكالت الحجيه ....هذا الدارمي
    كل يوم امر عالباب وأستورح احباب
    انه أدري ماموجود بس حركة صواب
    وسلامتكم




    [صورة]

    [صورة]
  43. بواسطة بهلول الرشيد

    اكو وحدهہ مات رجلها بس هي جانت تغار عليه هواي فـ بالفاتحه شافت وحدهہ مشجله وتلطم عليہ اكثر منها فراحت لــ امها وكلتلها : من دون المعزيات حيل اوجرت هاي ونـت ونـين النـوگ والمــيت هـــواي
    9629
  44. بواسطة نجلاء على

    فى منتهى الروعة