منتديات نبع الفرات

تمت ارشفة منتديات نبع الفرات

المشاركات من الموضوع ليش ألفقرة زادت هاي الأيام

  1. بواسطة بهلول الرشيد

    ليش ألفقرة زادت هاي الأيام
    سؤآل أيدور بس رايد علامة

    الموت ايكون جملة إسئل وشوف
    ومليانة الشوارع بس يتامة
    هذأ ألماد أيدة يصيح لله
    وتستنكف ألناس أترد سلامة
    وذاك الهسة يرجف لأن بردان
    ماكو أفراش ويكمل منامة
    وغيرة أعلى الشوارع يزحف أزحوف
    ويجي ألأرهابي ويفجر حزاامة
    يسولف بالجهاد وباالأصل شوف
    مايعرف حلالة من حرامة
    مايدري القتل ميريدة الأسلام
    ألقتل بالناس مايرفع مقامة
    ونرجع لليتامة ونسبة الجوع
    وصحنة ألله واكبر ياليتامة
    %1000 صارو شنهو ألاسباب
    هذا أيجدي ذاك ايلم قمامة
    هذا ألفاكد أهلة كلهم وضال
    تايه ماسمع أحد كلامة
    أذا الله اليوصي أبحق الايتام
    وأحنا ابلا ذنب نمحي ألكرامة
    لاتقهر يتيم الباري اليكول
    ونضام الكون ماغير نظامة
    بس احنا قهرنا هاي الايتام
    وخالفنة النبي وتاج الأمامة
    عفنة أطفال تاهت بالميادين
    واحدهم ذهب جنة حمأمة
    والله ابجي من اشوفن طفل جوعان
    من الجوع طول في صيامة
    وإلأأغرب بعد مايملك البيت
    تلكةابكل فرع ناصب خيامة
    جا وينة اليكول آنة أله عون
    ملينة بعد ها خوتي النشامة
    ملينة ألوعود إنريد تاكيد
    جا وينة ألمحة نورة ابضلامة
    وضل قوس ألجذب مايعرف أنصاف
    دومة أعلى الفقر وجه سهامة
    كم حرمله إليوم وشمر موجود
    وأبن مرجانة هاالناصب علامة
    يحشد جيشة بس ضد المساكين
    لكن ناسي أكو يوم القيامة






    [صورة]
  2. بواسطة Rain

    بارك الله بيك عمو دائما انت رائع في استخدام الكلمات لنصرة الفقراء والمساكين
    ونحن كلنا فقراء لله
    احيانا يشعر الانسان بالعجز ويتمنى لو انه لم يخلق اصلا ولم يرى الارض ومافيها
    الله وحده قادر على ان يغير قلوب البشر التي اصبحت كالحجر
    شكرا على المجهود الرائع
    تحياتي
  3. بواسطة بهلول الرشيد

    شكرا رين للمرور والاطراء الجميل
    تحياتي