منتديات نبع الفرات

تمت ارشفة منتديات نبع الفرات

المشاركات من الموضوع طبعك ياوطن ماترضه بالشيـن

  1. بواسطة شـ,ـهـ,ـد

    طبعك ياوطن ماترضه بالشيـن
    بس طبعك تغير ياوطن هسه

    چفك شو كَبل بعدال چفيـن
    بس هسه الاصابع حتى مو خمسه

    وناسك تحتضر والموت عالباب
    شمتاني بعد ويعرفــك بنفسه

    بـغدادك نخت صاحت عراقاه
    تالي تندمت عالواو چه خرسه

    ونسه ياوطن لتكَلي شلون
    كل ظنك سهل من اقتنع ونسه ؟؟؟

    انسه چم يتيم وارمله بيك
    لو ذاك الفقير الفجروا عرسه

    بسك طيـبتك ماتنفع اليوم
    من طبع الاسد افعاله هم شرسه

    ماتدري المثـل ياموطني شكَال
    ينفع نفسه كل من ياكل بضرسه

    محتلك حقد شايلك سنين
    وكل ما يذكرك وذكره بأمسه

    وعميان الدول ما شافتك زين
    والاعمه طبع مكروهه اله شمسه

    ولا انته طفل مايعرف يثور
    ستالاف عمرك ياوطن تنسه

    مو حتى الظهر مل التوابيت
    ودخان البنادق كَمنه نتنفسه

    مليت انتظر حس بيه ارجوك
    بس كَلي شوكت ياموطني تــقسه ؟؟؟
    بس كَلي شوكت ياموطني تــقسه ؟؟؟
  2. بواسطة زين الاسدي

    الله روعه
  3. بواسطة العراقي راقي

    [صورة]
  4. بواسطة شـ,ـهـ,ـد

    [صورة]
  5. بواسطة Abbas Al-iraqi

    شكرا ورده مجهود رائع :rose: