منتديات نبع الفرات

تمت ارشفة منتديات نبع الفرات

المشاركات من الموضوع عمر واسنينه تتبخر!

  1. بواسطة شـ,ـهـ,ـد

    عمر واسنينه تتبخر!
    شوف الشيب صار اكثر
    بعيوني
    الطفوله
    اتنام
    بس الشيب صار أكثر!

    تَعدانه قطار الشوك
    يصرخ وبكلب محروك
    حَسينه العمر مَبيوك!
    ولك ياريل بس فَتر
    دشوف الشيب صار أكثر!

    ولك ياريل
    ماضل حيل!
    نتبعك وبسواد الليل
    بس وبجلمة الياويل
    والخطوات تتعثر!!
    دشوف الشيب صار أكثر!

    ولك وحشه ابمضايفنه!
    دَرد بينه السوالفنه
    عسى وتضحك شفايفنه
    عساهه وللضحك تكدر!
    دشوف الشيب صار أكثر!

    يريل الروح خلصانه
    تحن للجانوا اهنانه
    إذا ما عادوا اويانه
    اخذنا الذاك المكَدر
    دشوف الشيب صار أكثر!

    يريل الماضي رَجعنه
    على الناسي يودعنه!
    يريل ابهل الزمن ضعنه
    وحتى الملح ما غزر!
    دشوف الشيب صار أكثر!

    رد بينه الطفولتنه
    دخل تنعاد ضحكتنه
    يريل اشمحله لمتنه
    خبزنه ابعافيه ايخَضر
    دشوف الشيب صار أكثر!

    عمر واسنينه تتبخر!
    بعيوني الطفوله اتنام
    بس الشيب صار أكثر!
  2. بواسطة العراقي راقي

    [صورة]
  3. بواسطة شـ,ـهـ,ـد

    [صورة]
  4. بواسطة Abbas Al-iraqi

    شكرا ورده مجهود رائع :rose: