منتديات نبع الفرات

تمت ارشفة منتديات نبع الفرات

المشاركات من الموضوع فاطمه يا فاطمه .. علنبي متألمه

  1. بواسطة بهلول الرشيد

    السلام عليكم ورحمة الله وبركاته
    اللهم صل على محمد وال محمد
    ********************
    فاطمه يا فاطمه .. علنبي متألمه
    دمعج الليله يصب .. كلبج ابناره يشب
    فراك محبوبج صعب .. تجري دمعات السمه
    فاطمه يا فاطمه
    *****************
    فاطمه ام الحسن .. عاشت الآم ومحن
    تصيح دلالي انطحن ... مو دمع تبجي دمه
    فاطمه يا فاطمه
    ****************
    ويلي يا ام الحسين .. كلبج الليله حزين
    طاها هلاضحه دفين .. ونار بابج مضرمه
    فاطمه يا فاطمه
    ****************
    ابابج اتجمع حطب .. بيد شذاذ العرب
    عليهم الباري غضب .. لان ظلموا فاطمه
    فاطمه يا فاطمه
    ****************
    ويلي زينب بت علي ... تصيح باجر انولي
    و شمر يبره المحملي .. وين جدي وصارمه
    فاطمه يا فاطمه
    ****************
    بالسمه صوت العزاء .. يصدح ابهذا النداء
    راح ناموس الوفاء .. و المصايب قادمه
    فاطمه يا فاطمه
    ****************
    كل شي يبجي بالوجود .. راح نبراس الصمود
    غابت انوار الخلود .. دنيه صارت قاتمه
    فاطمه يا فاطمه
    ****************
    راح سيد الكائنات .. راح اكسير الحياة
    راح فخر المكرمات .. عليه تبجي فاطمه
    فاطمه يا فاطمه
    ****************
    راح مسموم النبي .. يا سماوات انحبي
    شمت بينه الاجنبي .. غاب نور الغانمه
    فاطمه يا فاطمه
    ****************
    راح والكوم اعتنت .. باب حيدر حرقت
    ضلع فاطم كسرت .. وين حيدر صارمه
    فاطمه يا فاطمه
  2. بواسطة العراقي راقي

    [صورة]
  3. بواسطة شـ,ـهـ,ـد

    عظم الله لكم الاجر [صورة]
  4. بواسطة Abbas Al-iraqi

    شكرا ورده مجهود رائع :rose:
  5. بواسطة حيدرية الهوى

    جميل جدا
    شكرا لك