منتديات نبع الفرات

تمت ارشفة منتديات نبع الفرات

المشاركات من الموضوع مساجلة الجكارة

  1. بواسطة بهلول الرشيد

    سوق الشيوخ هذه المدينه الجميلة التي انجبت وما زالت تنجب الكثير من المبدعين اليكم بعض شعرائها في مساجلة الجكارة اتمنا ان تنال اعجابكم تحياتي

    قال الشاعرشهيد الشميساوي:
    زماني هموم جمّة ورّثاني
    وجروح رداف واحد ورّثاني
    جكارة بحلك وكتي ورّثاني
    واظن بس نفس واحد ظال بيه

    اجاب حيدر الشميساوي:
    مثل ما وكتي ظل وياي ظل بيك
    لكن كمت احسدك لان ظل بيك
    زين انته جكارة ونفس ظل بيك
    كطف واهل السجن دارو عليه
    اجاب صلاح اللامي:
    شكثر شوغات من وكتي تلفني
    جكارة بتتن وجفوفة تلفني
    كطف ظليت من خلّص تلفني
    بشارع واليفوت يدوس بيه
    اجاب موحان عوده:
    ذبت بجفوف وكتي من يذبني
    ولا واحد شكفني من يذبني
    جكارة بحلك مدمن من يذبني
    بنفس واحد وصل للجعب بية
    اجاب علي كركوش:
    اخاف من الوكت انفذ شمرني
    جكارة وبالمذاق انه شمرني
    كطف ظليت ماهدني شمرني
    بوسط جانون ما ظل اثر لية
    اجاب سيد بشير الغالبي:
    روحي الوكت والهم ورّثاها
    ولا صح اليواسي والرثاها
    انه روحي جكارة ورثاها
    فاهي من الكطف حط نار بيه
    اجاب زمن الركابي:
    شتلم بيه زماني مايه ذبني
    وابد يذبات راحه مايذبني
    -جكارة بتخم شايب ما يذبني
    -وتذكر كل سنين القهر بيه
    -اجاب حسن الشميساوي:
    روحي القهر والهم ورث الها
    اجرها بحزن ينعى والرثى الها
    جكارة الروح صارت ورثلها
    طفل من كل كتر حط نار بيه
    اجاب فرقد الحسيني
    العزم والباس منهم ورثيته
    هلي ومنهم اليطرب والرثيته
    جكارة بحلك وكتي ورثيته
    خليفة الله انه عله الوطيه



    [صورة]
  2. بواسطة Abbas Al-iraqi

    عاشو عمو روووووووعه تسلم ايدك :rose:
  3. بواسطة بهلول الرشيد

    عباس شكرا لك
  4. بواسطة Rain

    مبدع عمو الله ليحرمنه منك:t4409:
  5. بواسطة بهلول الرشيد

    شكرا Rain الف شكر لمرورك العبق
  6. بواسطة تقوى ألقلوب

    أختيار أكثر من رائع عشت أستاذ بهلول
  7. بواسطة بهلول الرشيد

    تقوى القلوب شكرا لك