منتديات نبع الفرات

تمت ارشفة منتديات نبع الفرات

المشاركات من الموضوع سولفلي شعر لكن ابلايه جروح

  1. بواسطة بهلول الرشيد

    سولفلي شعر لكن ابلايه جروح
    خليني استلذ بالبيت والمعنه
    احچيلي اعله الورد تدريني ابن بستان
    كافي امن الجرح والغدر والطعنه
    سولف بالتسامح والگضت وتهون
    مو بالآنه الك وانتهت واللعنه
    گلي الناس طيبه،،الوكت بعده بخير
    واي عش ابغصن طيرين يجمعنه
    احچيلي اعله العرس والفرح والزافوف
    اعله ذيچ ايامنه وحبنه وتواضعنه
    كافي امن الحزن والموت والدفان
    شابت روسنه وجفت مدامعنه
    سولف عن علي بس مو بوكت السيف
    ابوكت البي حنان ودفو ايشبعنه
    ابوكت الننجمع ناس وحمام اعليه
    يسگينه ترافه وأمل يزرعنه
    وصّف كربله واحچيلنه اعله حسين
    واملي النص صوّر واحساس وامتعنه
    واحلف بالنده وگول الحسين انسان
    على اعداءه بچه ومو ميت اقنعنه
    وگول الله حلو وكلش بسيط الدين
    وسولف عن رحمته ولا تروعنه
    سولف عالخمر والحور والفردوس
    كافي امن الاجساد ارواح تنزعنه
    سولف عالدعونه لدين ما بي دين
    وگلهم خل اعيشن عمر بي معنه
    حط ابكل وجه ليش! وسره استفهام؟؟!
    يوميه ابعزيز الموت يفجعنه
    سولف عالوطن مو عالسياسيين
    عن طاري السياسه اشتگدر ارفعنه
    تدري ابجيلنه اليعشگ سمار الگاع
    راعينه سنابل… لا اتگطعنه
    انريد انشم قصيده ابلايه ريحة موت
    مثل مانسمعلها انريد تسمعنه
    حط بيها الصبح والورد والفراش
    وانسه الراح منك والحده ابظعنه
    سولف عالگمر والليل والنجمات
    وسافر وي ضواهن لا ترجعنه
    البحر گلي قصص والسفن بيها احلام
    ومو كل قصه بيها الحوت يبلعنه
    وصلنّه قصيدة اتبوس خد الناس
    ليش الكائن الشفاف يصفعنه؟!
    علمنه الشعر مو بس حچي تاريخ
    ابگد مابي رساله احرار يصنعنه
    من يضحك الغيم اتسومر الگيعان
    وتكشخ من جديد ابثوب ينفعنه
    وكثّر بالخضار اللون الاحمر زاد
    لياحد نبتسم والدمع يمنعنه؟!
    علمنه الشعر يعشگ الوان الناس
    وايظل طيفه غالي وما ايودعنه

    من روائع
    ‫الشاعرعلي عماد‬
  2. بواسطة شـ,ـهـ,ـد

    الله الله اختيار رائع:46:
  3. بواسطة ذٌكريّٱتُ ٱلمٱضيّ

    الله الله رووعات
  4. بواسطة بهلول الرشيد

    حضوركم زاد القصيده روعات
    تحياتي