منتديات نبع الفرات

تمت ارشفة منتديات نبع الفرات

المشاركات من الموضوع قصيدة تبكي القلب الميت

  1. بواسطة ذٌكريّٱتُ ٱلمٱضيّ

    السلام عليكم
    قصيدة روعه عن لسان ام الشاعر الراحل
    رحيم المالكي

    ......................

    مو ميت عدل واكبالي اشوفك دوم
    واتأمل رحيم لغيبتك رجعه
    ما صدك غفل يوليدي عني تروح
    مستعجل تريد فراكنه بسرعه
    كدامي القلم كل ساعه اشمن بيه
    بلكي عللقلم نيشان من صبعه
    وشكد ذكريات مخلي علا وراق
    وحجايات حلوه ابالي متجمعه
    نقره بدفترك حد ماتطيح عيون
    والبوم الصور نشتاق ونطلعه
    عيني عللدرب من ربعك يردون
    اكولن بلكي اشوفن جاي وي ربعه
    ويطول انتظاري اووكفتي عللباب
    عين اتاني تبقه وعين بالدمعه
    راح التعب يمه وذاك سهر الليل
    لاجني صدك ربيت وامرضعه
    لاجني بمهد هزيت الولي عليك
    يبني و لمن تمرض قلبي اتصدعه
    طكتني المصايب واوجرت وياي
    متعنيه وعلي بيبانهه مشرعه
    يوميه انلجم يوميه عندي مصاب
    وانه عللمصايب مالي كل جرعه
    شريد انسه يمه منيلي النسيان
    هو الجرف ينسه الماي ويودعه
    يوليدي العراقيه تسولف بيك
    لمن تذكر اسمك كلبي اتكطعه
    تبقى عيوني تربي مكابله الشاشات
    بلكت صورتك لو صوتك انسمعه
    ظلمة ليل صارت دنيتي بلياك
    يلحارك حياتك للوطن شمعة
    انته وكل شهيد الطاح وفه الكاع
    يا سيف العراق ومهرته ودرعه
    اقنع روحي يمكن لو كلت انساك
    بس كلبيبي الدفنته وياك شيقنعه
  2. بواسطة Hazim M

    رائعه جدا :48:
  3. بواسطة مرتجى العامري

    جميلة..
    شكرا للطرح
  4. بواسطة حيدرية الهوى

    عيني عللدرب من ربعك يردون
    اكولن بلكي اشوفن جاي وي ربعه
    القصيدة اكثر من رائعة
    شكرا جزيلا لطرحها ..
  5. بواسطة العراقي راقي

    احسنت
    شكرا جزيلا لك
  6. بواسطة ذٌكريّٱتُ ٱلمٱضيّ

    اسعدني تواجدكم
    كل الود