منتديات نبع الفرات

تمت ارشفة منتديات نبع الفرات

المشاركات من الموضوع بيه شكد حلم

  1. بواسطة رافضية بهيبة زلم

    بيه شكد حزن ماسولفتلك بي
    وبييه شكد قهر يحرث ارض عيني

    يطش بذوره ليل وبالسواجي هموم
    وناعور الدمع لساعه يسكيني

    خفيت جروحي كلهه وصبخه هسه العين
    شما تزرع بعد ميخضر بطيني

    جنت يمك جمر من مر شتاك شهور
    وجنت انه اشتعل وانت التدفيني

    بعد ماصير ابد جمره وشتاك يزول
    يجيك الصيف تالي بماي تجويني

    ولا مثل الشراع ابقه بسفن جفيك
    ومزاجك ريح وبكيفه يوديني

    خلص دور الوكت مايسوه بعد الكون
    ولا يسوه الندم يصفكله جفيني

    بيني وبينك انت شكد مسافه اليوم
    وصرت ناسيك اني وانت ناسيني

    ماجانت مسافه الأمس جنت تعيش********
    قريب بصفي كلش بيني وبيني

    لا ذكرى البقت بيهه اذكرك وارتاح
    من ارجع واكلب دفتر سنيني

    بكل ورقة دمع وبكل سطر اعذار
    من كد قهري احس الورقه تبجيني

    طبع سجين طبعك بيدي جنت تنام
    تخاوي جفوفي ماتكدر تلاويني
    لكن مو غريبه تصير بيد الغير
    وبلحظة غدر تكطعلي جفيني

    دين بركبتك كل عمري ذاك الضاع
    وماريده بعد متبري من ديني

    بس كون انت تبعد ابعد من الغيم
    والف صدفه تمر وماتلاكيني

    اقبل واقعك وك هذا واقع حال
    وارحل .. شوفتك صارت تأذيني

    ماريدك خلص لاتحجي بعد وياي
    وحته شفاف عينك ...لاتحاجيني
  2. بواسطة عبير الورد

    [صورة]
  3. بواسطة شـ,ـهـ,ـد

    اختيار رائع حبيبتي
    تم نقله للقسم المناسب:46: