منتديات نبع الفرات

تمت ارشفة منتديات نبع الفرات

المشاركات من الموضوع روح الورد

  1. بواسطة رافضية بهيبة زلم

    صنطة ..
    ووشيش بروح الورد يصعد
    وترافة مستحة أنباگت بحلم أمرد
    يلي بالموادع ما توادعنه
    وظلت امي
    تفرش الليل بدمع أسود
    مامش خبر ..طولت غيبتك
    وكلها راحت تدور
    وانه بدونهم انطر ترد
    گلي أنت حلم
    لو مخلوق مثل هلبشر
    إحسك إعذيبي بنسمة فجر
    ترگص مراگص عله الخد
    يانفس ريتي وشوغة أيامي
    يا أنه أنته وتروحلك فدوة البلد
    طشوا خبر گالوا مات..
    گلت هيهات الربيع بگبر يتوسد
    حجوا ماله رسم ولا له جسم
    طشرته اعيون الناس
    حلقوم لو ظبة ياسمين عله
    خدود الحبيبة فوگ الورد
    ظمت امي كل مكاتيبك والصور
    وگالت من يرد يقراهن
    من جده وجديد
    حسبت ليلة لو ليلتين وانته هنا
    ما حسبت احلام مرت
    واخذت عمر وياها وأنت بعيد
    مرة بالچذب سمعت امي أجيت
    طلعت مفرعة بلا ستر
    ودارت اعيونها ما مش انته
    طفت مثل الشمع بموت العيد
    رهمينه أيامنه عله گد الصابنه
    لگيناها المصايب شما جالها اتزيد
    مرة أنته مرة عيني مرة مدري منهو
    الباگ لمتنه الجبيرة وواحدنه
    صار اوحيد



    تبرالنه النجمة تفي كل مدامعنه
    وخلصت وردينه من أول
    نحجي ونسولف بيك
    هلبت منك يجينه طارش ، بريد
    يا واهس العشرين وفرحة الملهوف
    وين أخذت العمر وياك وسافرت
    وحشه إعيونه اندورك بكل ظفيرة
    ولفة عباة ،
    وهواي شفناك وي لمة زلم ياحيد
    يامرجه القداح وطعم الرازقي
    يا فرحة كل فرحنه ويادمعة
    كل عمرنه
    ويا أنته ,,
    بينه شهگات
    ونبضة وريد
    لا تگلي اخرتك المسافة
    مامش عذر للخوة
    الخوة مرهمها أيد ابيد..
  2. بواسطة مرتجى العامري

    الله الله
    انتقاء مميز
  3. بواسطة العراقي راقي

    تسلمين
    شكرا جزيلا لك
  4. بواسطة عبير الورد

    دائما متميزة في الانتقاء
    سلمتِ يالغالية على روعة طرحكِ
    نترقب المزيد من جديدكِ الرائع
  5. بواسطة شـ,ـهـ,ـد

    انتقاء مميز حبيبتي

    تم نقله للقسم المناسب