منتديات نبع الفرات

تمت ارشفة منتديات نبع الفرات

المشاركات من الموضوع أيهاب المالكي - عايش جديد 2016

  1. بواسطة Ahmed_Alothmani

    أبشرك خلصوا مابقوا عندي هواي
    كل المشتريهم رخصوا بيه
    أصافحهم واحس باطراف اديهم غيض
    كاتل منهم ومادافع الديه
    بسد بوساتهم دفنوا شكَد أنياب
    واكَول يجوز جانت عن حسّن نيه
    ويمر طاريّ ويذكرولي للشينات
    واصد لغيبه اسمي التنوكل نيه
    وانه الجنت اضل واكَف بالأستعداد
    من أسمع عزيز يفوت طاريه
    حسبالي العدد بي ثمرة من يزود
    وعن قلة الواحد تفرق المية
    بس تالي ادركت طين الكَلوب اصناف
    والعِشرة الطويلة تريد نوعية
    على كلًّ عِشت ماخذت بس طيت
    وي ليل المجازة الماشفت ضيّه
    وينه وينه اللكا بيه جاي يبيع
    وين الانه مطني من هوه الريه
    والزم جفني خاف من ارمش يزعلون
    واتناسه لحجاية البذني محجيه
    ومن لكَالي حكَـ عند مُحب ماداعيّ
    اكو حكَـ برجعته يعيب راعيه
    عرفتلها كَمت مازاعل اليرحون
    ولا ع الباب اظل متناني ليلية
    من شفت الحلم ينوخذ مو ع اللون
    بعد بطلت اظم احلام وردية
    الناس اختلفت وظهرك اتجيّ وين
    اذا ماتلّكَه حايط تكّعد ابفيه
    لهسه وماعرف عايش وياهم ليش
    ويذوب الثلج بس ينجوي شويه
    حتى جروحي من عدهم خذتهن شوكَـ
    ابد ماحسستهم بيها من نيه
    من سألوني صح كَالوا اطوّك جروح
    لا كَلت لشماته انطوني عيديه
    شايف من تجيك الطعنة من أحباب
    هيج جروحك تحس بيها روحية
    تصور تبتدي تشتاكَـ للچتال
    اذا جف التطعنك بيها حنيه
    المهم ... عاذرهم وكلّ البقن سهلات
    انا الجرف اليسامح روچ شاطيّه
    حتى مننجرح مادام همه بخير
    أنا بخير يعني وكلشي مابيه
  2. بواسطة مرتجى العامري

    انتقاء مميز
    شكرا للنقل الجميل
  3. بواسطة Ahmed_Alothmani

    شكراً لك
    أنرت الموضوع