منتديات نبع الفرات

تمت ارشفة منتديات نبع الفرات

المشاركات من الموضوع ياوطن

  1. بواسطة علي جبار ساعدي

    يا وطن يالبيك حيدر لولا حيدر ماهويتك
    ولوما بيك حسين والله ماعرفنا ماهويتك
    بيك نهرين انت بيهم منعرف بالماء هويتك
    بالاسم اسمك عراق وبيك يتحكم نفاق
    وانت عنوان المصايب وثوبه اسود دوم بيتك
    ياوطن يالبيك ضعنا وضاعت اسنين العمر
    ياوطن بسك مآسي والله ماظللي صبر
    احلى شبانك فقدنا ... وهم بعد ننطيك عدنا
    بس اريد اعرف وكلي شنهو حل هذي قضيتك
    انت احسبها القبور وما اعد اني وراك
    كلها شبانك تموت والسبب تدري هواك
    ياوطن لا ما نبيعك ما نريد احنا سواك
    كل بلاوي الكون سهلة وانت ما تنحل بليتك


    علي جبار ساعدي
  2. بواسطة Rain

    كلمات رائعه ومميزه جدا
    ارض فيها اهل الرسول صل الله عليه واله وسلم لا خوف عليها ان شاء الله الفرج قريب
    شكرا على هذا الابداع
    سلم لنا قلمك
    تحياتي
  3. بواسطة ام بنين

    احسنت
    استمر