منتديات نبع الفرات

تمت ارشفة منتديات نبع الفرات

المشاركات من الموضوع صرنه بخير بس اتعافت النسوان

  1. بواسطة بهلول الرشيد

    صرنه بخير بس اتعافت النسوان
    مو كلهن لچن تسعين بالميه
    گبل يرتاح كلش هسه صارت وين
    بلوه اطيح فوگه اليخطب ابنيه
    نص كيلو ذهب واهدوم مليونين
    واول شرط كون الغرفة تركيه
    ولاكعده الصبح ولاخبز بالتنور
    الفرن موجود والصمون يوميه
    نوت اثري شرطهه وتشرط التكنيك
    وماتمنعهه باجر تعلك اغنيه
    الريوك وي الغده والعشه بنص الليل
    خو هاي الصلاة كل يوم مگضیيه
    وعلي الا ابالي اتبيعك القمصان
    ومن تكبر تره اتبيعك الخاچيه
    كبل كون المره وادير اكبر بيت
    هسه بعركه من تنكت الزوليه
    مووضد الزواج اكمال نص الدين
    ركز بالحب وافهم معانيه
    اخذ لاكن اختار البيتهم مديوس
    ماتمل كون اجو خطار ستميه
    اخذناهن نوه وشنقن نخل بالبست
    وفجرهن ذاك عدنه انكلب ضهريه
    چلفراي اكلهن والسمج مسكوف
    وكبل جانت عليهن حسره الاميه
    يحركن الجدر ويغركن بنسيان
    اذا طلعت مسلسل يوم هندية
    من اطب للبيت اسمع ماري والسلطان
    صار هواي ماسامع اللطميه
    واذ تزعل العوبه ماترد بالهون
    اهلهه تكول جن مطيك حوريه.....
    والى اخره
  2. بواسطة Rain

    هههههههههههههههههههههههههههههههه صدك ضحكت عمو
    كلمات بيها نوع من الواقعيه لكن مااعرف ليش التركيز على النساء مو على الرجال
    صعب تقارن المرأه اليوم بالمرأه الي قبل 50 سنه مثل ما صعب تقارن الرجل الي هسه ويه رجل قبل 50 سنه
    الحياة تتغير والناس تتغير وهوايه اشياء لكن اهم شئ الاخلاق والتربيه تبقه صحيحه
    شكرا على المجهود الرائع والمميز
    تحياتي
  3. بواسطة بهلول الرشيد

    شكرا لك رين وشكرا لردك المفعم بالحب
    بالود
    الف تحيه لك
  4. بواسطة الحُـــر

    وشهد شاهدٌ من أهلِها !

    شُكراً سيدي بهلول : لقد زدتني أصراراً هههه .
  5. بواسطة بهلول الرشيد

    شكرا لك سيدي الحر ولردك الرائع
    تحياتي
  6. بواسطة مرتجى العامري

    طبعا ابو زهراء ع الجرح :4:
    شكرا للطرح
  7. بواسطة بهلول الرشيد

    اي والله يخوي
    شكرا لك عالمرور
  8. بواسطة العراقي راقي

    ها صارت عوبه
    وعلي الااروح لعمتي واكلهه يحجي عليج ويكول(عوبه)
    بسيطه بس خلي ارجع من الدوام
  9. بواسطة بهلول الرشيد

    ههههههههههههههههههههههههههههه
    لا انت ماتسويه