منتديات نبع الفرات

تمت ارشفة منتديات نبع الفرات

المشاركات من الموضوع شعر عراقي تحشيش (النستله)

  1. بواسطة بهلول الرشيد

    قصيدة النستلة
    ما چنت اظن بالمشكلة
    كلها بسبب هالنستله !!!!!!!!!!
    ماچنت اظن بالنستله
    تضر باقتصاد العائله
    طلعت صدگ بت حرمله
    لانعل ابوها النستله
    @@
    هيّه السبب باللي جره
    خلّتنه نرجع ليوره
    ملعونه بنت القندره
    عاشت عمرها مدلّلِه
    لانعل ابوها النستله
    @@
    هيّه اللي تنهب بالنفط
    وگرطت وطن كامل گَرط
    طلعت تشيل شما نحط
    طرگاعه طلعت قنبله
    لانعل ابوها النستله
    @@
    ماچنّه نعرف بيها ابد
    مدسوسه تهدم بالبلد
    هم زين نبّهنا الأسد
    وقيس الفهم من قائَله
    لانعل ابوها النستله
    @@
    هيّه سبب كل هالفگر
    ودّت شعبنا للگبر
    هم زين رَف جنحه الصگر
    وأشر عليها بخطبه له
    لانعل ابوها النستله
    @@
    كل هالخراب اللي جره
    والراحوا بچم مجزره
    هيٰه السبب طلعت تره
    مو دولة ال كلمن إله
    لانعل ابوها النستله
    @@
    گالاها جلجامش گَبُل
    النستله مثل الگمُل
    تنبش الراس من الأصل
    وتقضي على البيت وهله
    لانعل ابوها النستله
    @@
    معقوله يا هذا الزمن
    عالنستله نذب المحن
    اسمحلي لو گلت الچفن
    والله صارت مهزله
    لانعل ابوها النستله
    @@
    ماعدنه ابد أي مشكله
    بس الإسمها النستله
    وهلا بيك هلا
    يراعي النستله
    الّلقم مشمول تگول العائله ....؟؟
    @@
    لانعل ابوها النستله الشعر منقول
  2. بواسطة Rain

    هههههههههههههههههههههههههههههههه شعليها النستله عمو هي الشئ الوحيد الي حلو ينأكل نلكاه بالعراق:oo:
  3. بواسطة مرتجى العامري

    هسه من تحجي وتنزل راسهم جوه مداسك يكلولك شيخ ومعمم ومايصير
    من تسكت يجيك مثل هل ..... يكلولك النستلة مو ضرورية
    يله بلة هم حرنا وياكم

    شكرا للطرح
  4. بواسطة بهلول الرشيد

    لتعصب مرتجى تره موزين على صحتك
    ههههههههههههههههههههههههههههه
  5. بواسطة Rain

    بهذه المناسبه اريد نستله لو كالكسي لو توكس وبما انو انت عصبت معناها عندك محل مال نستله عفيه اريد :02:
  6. بواسطة Rain

    تدري عمو اول مره ادري التماسيح ياكلون نستله ههههههههههههههههههههههههه
  7. بواسطة مرتجى العامري

    يصعدون ضغطك كوة :4:

    شكلولج عندي محل غذائية

    اي حقج دائما ناكل سحالي ^_^
  8. بواسطة حيدرية الهوى

    ههههههههههههههههههههههه
    اني احتـج ... كل شي ولا النستلة :4:
    مشكور عمو ع النقل الخنفشاري =))
  9. بواسطة الحُـــر

    تحية إمتنان للكاتب والناقل
    لكن موضوع " النستلة " غطى ع الملاحظة المجنونة الأُخرى !
    وهي قدرة الفرد الذي دخله الشهري 100 الف .. على توفير 70 الف منها !
    أي معدل مصروفه اليومي هو وعائلته ( لأن ليس كل العائلة لها دخل شهري اكيد ) هو الف دينار !!!
    لا يا أبن الـ .... هل تتذكرون النائبة الفلانية عندما قالت مره بأن الـ 12 مليون متوصلنا الى 15بالشهر ! ديله هاي أشلون حتصدها يا نور صبري !
  10. بواسطة a_hakeem

    شكرا جزيلا على نقل القصيدة
    هاي مثل القصيدة اللي تكوول:
    اترجو الطيب من خشب الصفنجع ودهن الزيت من بعر الجمال
    سقاعات الرجال لها طنين كعفطات العنوز على التلال
  11. بواسطة عبير الورد

    ما اعرفهاا احجيهاا الناا
    شكررا عمووو ع النقل واني وياك ع النستله هههه
  12. بواسطة العراقي راقي

    قبله اكو واحد زود البطاقه التموينيه 3000 دينار في مكرمة منه وبلقاء تلفزيوني
    وهاي هم بسيطه
    بس الأصعب اكو نائب عدنه في ذي قار(الله يكبر عمامته)
    عندما تظاهر(أهالي قضاء الغراف)في محافظتنا(بسبب محولة كهرباء)
    حظر اليهم وقال بالحرف الواحد دون رادع من ضمير او اخلاق(ليش تتظاهرون نسيتو نسوانكم من جانت تتبرع بذهبهن لصدام)
    والمصيبه ان هذا النائب(ابن رجل دين يدعي الاجتهاد)
    فلهذا انا لا استغرب من تصريحات (الشيخ الصغير) لانهم يعتبرون ان هذا الشعب(ميت مسلوب الكرامه)
  13. بواسطة بهلول الرشيد

    تحياتي لكم جميعا وممنون من مروركم
    البهي
  14. بواسطة a_hakeem

    هاي القصيدة تصف الناس البخلاء
    الصفنجع هو نوع خشب مابيه فائدة وهو هش جدا وليس له رائحة فكيف تترجى ان تحصل على الطيب منه؟؟؟!!!
    وكيف تنتظر دهن الزيت من بعرور الجمال الذي هو ناشف جدا ؟؟؟؟
  15. بواسطة بهلول الرشيد

    ابدعت بالوصف والشرح تحياتي لك