منتديات نبع الفرات

تمت ارشفة منتديات نبع الفرات

المشاركات من الموضوع صاحت أخت القمر .. باسم الكربلائي

  1. بواسطة ♣ ŴĔĨŔĎŐ ♣

    [فيديو]






    قصيدة إخت القمر مكتوبة
    للشاعر سيد عبد الخالق المحنة
    في حسينية المرحوم الحاج داوود عاشور
    محرم الحرام عام 1437هجري

    باسم الكربلائي

    صاحت إخت القمر من إجه المنتظر
    لوانه أمانه .. ينتظر عالنهر

    هذا أبو صالح إجه يم الغريبه
    من وصل للشام مابطل نحيبه
    عظم الباري أجرنا ابهل مصيبه
    عمه يازينب تره الطلعه قريبه
    هي وابن الحسن والتقوا بالصحن
    تخبره تذكره يالثار النحر
    ¤¤¤¤¤¤
    عمه يالمهدي أسولفك مصايب
    وأني بالطف وألهج ابأسمك يغايب
    من أبو اليمه وكع شفت العجايب
    لا أهل ظلت ولا ظلت كرايب
    لو تشوف الخيم وجت اعله الحرم
    اجونه ولونه صحنه وين المفر
    ¤¤¤¤¤¤¤
    من وكع من المهر جدك اجيته
    شفته من دم جبهته ايغضب لحيته
    وانخمش كلبي الشمر يمه لكيته
    أدري بالعباس ميت بس نخيته
    أني ام الخدر بس دفعني الشمر
    دفعني صفعني وانت عندك خبر
    ¤¤¤¤¤¤¤
    من رفس صدره الشمر طاح اعله ظهره
    واثنعش طبرة عدل طبرة اعله طبره
    ويلي وتربع يعمه فوك صدره
    اي يمهدي امن الكفه ظل يحز نحره
    نحر أخوي انكطع وأني كلبي إنشلع
    تسلب تعذب حته اصبعه انبتر
    ¤¤¤¤¤¤¤¤
    وجه ابن جوشن يبو صالع رعبني
    سوطه بيده او واكف اكبالي اويسبني
    جنت أحس متني وكع لمن ضربني
    عمه نفذ غايته او بيده سلبني
    كلي وين اخوتج من جرت دمعتج
    سبيه بديه إلا اشبعج قهر
    ¤¤¤¤¤¤¤¤
    من عگب عباس أبو الغيرة انولينه
    هذا تاليها الشمر يحدي الضعينه
    من ركبنه اعله الهزل مجتوفه ادينه
    والمصيبه الوادم اتباوع اعلينه
    والحراير صعب تغفه يم الغرب
    سهاره حياره ماغفينه ابسفر
    ¤¤¤¤¤¤¤¤
    دخلت الديوان مو سهله عليه
    اوكف اكبال العدو او مجتوفه اديه
    لن يزيد ايصيح جيبولي السبيه
    ها يبت حيدر وكعتي بين اديه
    راس اخوي ابطشت وأني شفته اوصحت
    جرحني ذبحني والعصا اعله الثغر
    ¤¤¤¤¤¤¤¤
    عمه يالمهدي متى تأخد لي ثاري
    اوتاخد ابثار البقه عالغبره عاري
    أني انطر طلعتك ليلي اونهاري
    وين أبو صالح أصيح او دمعي جاري
    عمه عالمشرعه صارت الفاجعه
    كفيلي يويلي من نخيته اعتذر
  2. بواسطة تقوى ألقلوب

    رائعة هل قصيدة أحسنتِ ألأختيار غاليتي
  3. بواسطة ♣ ŴĔĨŔĎŐ ♣

    تسلمين تقوى .. نورتي بتواجدج عزيزتي
  4. بواسطة مرتجى العامري

    جعلها الله في ميزان حسناتك
  5. بواسطة ♣ ŴĔĨŔĎŐ ♣

    شكرا الك مرتجى

    (: