منتديات نبع الفرات

تمت ارشفة منتديات نبع الفرات

المشاركات من الموضوع هاك اخذها اجمل شعر شعبي عراقي

  1. بواسطة Smart

    هاك اخذها انساها لتذكرني بيك
    هذا اخر موعده اخذه الدنيا ليل
    انت ماخذ كل شي بس ما كتلي هاي
    انت ماخذ غصب لو ماخذ سبيل
    شامت تحط بعشرتي وشهودي وين
    غير كون اليسأل نحطله دليل
    انا حطيت الله خاف يمرنا شي
    وانت ناوي تحط ولف غيري بديل

    ريكي ما ابلعه اخاف يمرنا صوت
    جنت اشوفك خايف واعتبرك دخيل
    جان خشبه احساسك وحظني مسيح
    ما ملت بس عشرتك كامت تميل
    يا حلال الله على بختك مكتف يد
    ضال من عمري خلك كلش قليل
    تواضعت وانطيتك ايدي تردها ليش
    واني بكل اصبعي بجف مربي جيل
    زارع ملوحك شمس بالكصه هاي
    التاج اذا نزعه يحس روحه ذليل

    منين ما اريدن التفت كونك وراي
    اني اريد اطش عمري ما اريد ماي
    النطيته بوجهي اخذه من كفاي
    وهسه اعيش شلون ما رايد اعيش
    الفارس يفك روحه من يدوسه خيل
    هاك اخذها انساها لتذكرني بيك
    هذا اخر موعد اخذه الدنيا ليل