منتديات نبع الفرات

تمت ارشفة منتديات نبع الفرات

المشاركات من الموضوع احلام ضائعه شعر شعبي حزين

  1. بواسطة Smart

    لبست الخاتم بيدي وظنيت عرسي وياك
    اباوع بس بإصبعي الحلقة شايلها
    نويت الكلب بس بيه لوعة فراك
    كلبي من الصغر الى هسه يسألها
    ظنيتك موده وعاطفة واحساس
    وانطيتك سوالف بس صعب حلها
    اجيك منين حتى تريد ما اشتاك
    نجوم وكمر كل يوم اغازلها
    فتحت باب الكلب وتسده كلي شبيك
    خايف من جروحي ابشرك جروحي شايلها
    اذا روحك تذبني وتشوف غير انسان
    ياعيد الي اشوفه وبيش اعايدها
    اعيش بلا حياة وروحي عايشة
    انا الضحيت روحي اخاطر البذات
    حبيته بجنون وروحي ما احبها
    تذكر من كلت اتمنى اعيش وياك
    على الحلوه والمره الدنيا ناخذها
    تذكر كلامك لو نسيت بساع
    نسيت الدمعة من تنزل بيدي شكثر ماسحها
    بجفونك اواسي الحلم من ينام
    وبكلبك شباب شكثر شاغلها
    يالشاغل افكاري فدوه اريد انساك
    علمني على كيفك لا تجيب هموم
    انا هموم الي بكلبي كوه حاملها
    بجيت ويا الليالي سنين من دمعات
    وهموم وليالي الضيم حاسبها
    من اذكر ايام الحلوة اني وياك
    صارت بس رحيل وماني راحلها

    بديت اسأل على الطيبين منشال
    معرفت هذا على راسه الشعر منشال
    تكلي شبيك شالو كلت من شال
    هيجي بسرعة راحوا من ايديه

    للشاعر جراح الحنين